正在閱讀
【九龍灣好去處】九龍灣一日遊路線推介 吉卜力動畫世界展/歡樂天地/2大美食

【九龍灣好去處】九龍灣一日遊路線推介 吉卜力動畫世界展/歡樂天地/2大美食

2019.08.10

好多人放假或者放暑假都會去歎冷氣行展覽,而最近備受關注的展覽莫過於是在九龍灣舉辦的吉卜力的動畫世界展。不過九龍灣除了有集合宮崎駿同高畑勲8大經典動畫電影的吉卜力的動畫世界展可以去之外,九龍灣其實仲有好多好去處及美食,所以今次就為大家整合了九龍灣一日遊路線,除了可以行宮崎駿的展覽外,仲可以去食足料粥底海鮮火鍋及麻糬卷蛋甜品等,即睇九龍灣一日遊好去處推薦!

第 1 站 吉卜力動畫世界展

每個場景均由吉卜力工作室原班人馬傾力打造,日本專業團隊來港監督組裝、調校特效,保證一絲不苟,以 「盒子藝術」(Box Art) 營造場景的立體感,今次來到香港站帶來近30個經典動畫場景,粉絲可以穿梭其中,重新走過一幕幕經典,去之前一齊搶先睇睇啦!

第 2 站 歡樂天地

新店選址九龍灣國際展貿中心地庫,佔地2萬多呎,現時開放了部分店面。場內有不少經典遊戲,例如跑馬機、打鱷魚、射大板牙等。之後更會引入其他大型遊戲機。代幣方面,試業期間$2一枚代幣,最低消費$10五枚。價錢在正式開業後有機會會調整。

地址:九龍國際展貿中心B1層118-132號舖

營業時間:11am - 8pm

相片及資料來源:FB@歡樂天地 

第 3 站 發哥粥底海鮮火鍋

發哥粥底海鮮火鍋店內有多款海鮮餐可供選擇,包括:龍蝦餐、海蟹餐及大胃王海鮮套餐。粥底火鍋口感綿滑,並配上新鮮生猛海鮮,例如龍蝦、海蟹、貴妃蚌、黃金蜆、鮮鮑魚、蟶子皇。而最近店舖亦推出限時優惠,由即日起至9月30日期間,只需要5位或以上光顧,而其中一位為8月至9月生日壽星,即可享1位免費優惠;10位或以上光顧,而其中一位為8月至9月生日壽星,即可享2位免費優惠,快啲約定壽星慶祝食生日飯啦! 

海蟹餐 星期一至四 $238 星期五至日 $248 

龍蝦餐 星期一至四 $278 星期五至日 $288

大胃王海鮮套餐 星期一至四 $428 星期五至日 $438

第 4 站 Jenjen Bakery Love

九龍灣有間新開的蛋糕店工作室「Jenjen Bakery Love」,主打低糖低油的原條卷蛋或原個戚風蛋糕。每日亦會限量出售4至5種切件蛋糕,每款都造型精緻,口味選擇更超過40款,包括芋泥麻糬抹茶卷蛋、蝶豆花士多啤梨卷蛋、玄米烏龍桂花寒天卷蛋、三重濃小山園抹茶卷蛋同芝士奶蓋京都焙茶卷蛋等等,不過提提大家,工作室只接受外賣服務不設堂食,大家可能要帶走品嚐啦,按下圖睇價錢。

地址: 九龍灣宏開道15號九龍灣工業中心6樓10室

營業時間:星期一至五1pm - 2pm;5:30pm - 7:30pm星期六、日及公眾假期 2:30pm - 7pm

活動資訊

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠