【西貢美食】西貢7大平民掃街美食推介 9吋半/髀魔/金雞去骨海南雞專門店

食完輕食唔夠飽可以試試以即炸超巨型鹹蛋黃雞脾而出名的脾魔，雞脾份量十足，足足有成塊面咁大，而且鹹蛋黃用料亦充足，每啖都食到蛋黃得鹹香，十分惹味。另外亦可以試埋店舖新推出的甘梅炸小粟米，炸得十分爽脆，仲食到淡淡粟米香，店內當然仲有其他不同種類的炸物啦，大家可以一試，按下圖睇價錢詳情。

地址：西貢福民路58號高富樓18號地舖

西貢有名的英式炸魚薯條，大大份，魚肉加入啤酒生炸，外皮更加香脆，搭配他他醬，味道更豐富。魚肉質地甚有驚喜，肉質彈牙紮實，毫不鬆散，加分不少！除此之外，店內亦有另一人氣小食炸Oreo，炸Oreo炸得外脆內軟，口感特別，大家經過記得要試試啦！

地址: 西貢敬民街9號高勝樓地下11號舖

資料及圖片來源：Chip In Fish & Chips

金雞去骨海南雞專門店已經另有3間分店，但西貢總店的人氣依舊不減。店內主打去骨海南雞飯，去骨海南雞啖啖肉，雞肉嫩滑，完全不韌，雞皮亦很爽滑。隨餐搭配3款醬汁，分別有薑蓉、酸辣醬及甜豉油，雞肉蘸醬更加惹味！油飯粒粒分明，亦加入炸乾蔥，味道更香，按下圖睇價錢詳情。

地址: 西貢福民路(食街)34號地舖

在西貢碼頭附近亦有間大受當區市民喜愛的平民麵包店西貢咖啡餅店。西貢咖啡餅店最出名的美食為厚切菠蘿油，新鮮出爐的菠蘿油中間夾住一塊厚切凍牛油，外冷內熱而且外脆內軟，味道不錯。大家行過可以食返個厚切菠蘿油醫吓肚，按下圖睇價錢詳情。

地址：西貢海傍廣場2號金寶閣6-7號舖地下

阿四糖水主要售賣多款中式糖水及茶飲，包括近年大熱的黑糖珍珠鮮奶、水果茶等等，但價錢比連鎖品牌茶飲店更相宜，平均$20就有一杯，行街太熱買返杯解渴亦不錯。

地址：西貢福民街58號高富樓C座地舖

資料及圖片來源：阿四糖水 

小店主打清新水果梳打，配上不同新鮮水果即場打氣而成。必飲推介有熱情果檸檬梳打，味道酸甜清新，內有粒粒熱情果肉，口感豐富，解渴一流！另外小編亦試飲了雜莓鮮橙梳打，味道同樣清新，惟果甜味不太突出，不過用來解解渴亦不失為一個選擇，按下圖睇價錢詳情。

資料及圖片來源： 果感生活