【西灣河美食】西灣河太安樓平民美食掃街推薦2019 熱狗/芋圓/雞蛋仔/車輪餅

文: Toby Mok
2019.10.18

好多人平時都喜歡到處掃街食美食,嫌到旺角、荃灣等地區掃街太普通,可以試試到西灣河太安樓掃街,太安樓出名美食多,今次就為大家推薦5大西灣河小食店,包括熱狗店、泰國船麵味雷、車輪餅小城滋味、紅豆餅南國等等,俾大家可以放假時去西灣河歎多款掃街美食。

第 1 站 齊柏林熱狗店 Zeppelin Hot Dog Shop

香港本地熱狗品牌齊柏林熱狗店 Zeppelin Hot Dog Shop 最近就進駐西灣河的掃街熱點太安樓,更推出新口味的熱狗,採用自家配方的辣肉醬,非常惹味。店鋪提供多款特色口味熱狗,包括火炙芝士辣肉醬熱狗、美國洋蔥圈熱狗、芝味熱狗等等。另外店內亦有新鮮炸起的薯條上有千島醬和茄汁,上面再淋上熱熔芝士,非常滿足,按下圖睇有咩食。

地址:西灣河筲箕灣道57-87號太安樓地下A55A號舖

營業時間:星期一至日 12:00 - 00:00

第 2 站 味雷

位於太安樓第一街的小食店「味雷」,主打泰國船麵,而且價錢相宜,啱晒想掃街試多幾款小食的朋友,下次約埋朋友去掃街,可以一試!店內的亦有泰國船麵可以選擇,仲可以自選米粉或金邊粉添。店內另有售數十款口味的紫菜飯卷,店主推介泡菜豬肉和吉列炸蝦,兩款口味都份量十足!  

地址: 西灣河太安樓地下第一街25A  

營業時間:星期一至二:11:30am-10pm/星期四至日:11:30am-10pm/星期三全日休息

第 3 站 小城滋味

小店主打多款鹹甜車輪餅,更有特製的蛋糕仔,一口一粒當下午茶點一流。小店提供4款口味不同甜味的車輪餅($10/個),包括紫薯、紅豆、綠茶及Oreo曲奇餡料,車輪餅內充滿滿滿餡料,非常足料。除此之外店內亦有售賣獨製的蛋糕仔($10/7粒)($18/14粒)蛋漿用上日本麵粉、北海道3.6加荷蘭低脂牛奶及雞蛋調製而成,注入特製的蛋形模具,即叫即做,熱辣辣。蛋糕仔賣相似雞蛋仔,外微脆內軟綿,一口一粒。

地址:筲箕灣筲箕灣道57-87號太安樓地下A47號鋪

營業時間:星期一至日 11:30 - 22:00

第 4 站 南國紅豆餅

同樣位於西灣河太安樓的人氣車輪餅店「南國紅豆餅」最近推出一系列雪糕脆皮車輪餅,特別研發薄脆的蜂蜜脆餅皮,另外還可加選珍珠或麻糬,口感煙煙韌韌,配上雪糕冰涼,層次更豐富!店內提供多達五款雪糕口味選擇,例如有豆腐、芒果、朱古力、曲奇等,另外亦可加錢加珍珠或麻糬粒添,按下圖睇詳情

地址:西灣河筲箕灣道57-87號太安樓地下G1號舖

第 5 站 艾.蜜思

店鋪主打即叫即製手抓餅,手抓餅口味多達差不多30款,餅皮除了有原味之外更有紫薯口味,各位紫薯迷可以去試試。除此之外,店內亦有售多款芋圓甜品,大家可以自由選擇不同配料。

地址:西灣河筲箕灣道57-87號太安樓地下A3-A7號地舖

營業時間:星期一至日13:00 - 01:00

資料及圖片來源:艾.蜜思

第 6 站 鴻記極品雞蛋仔

鴻記主要售賣格仔餅及雞蛋仔,心水推介店內的朱古力格仔餅,格仔餅非常厚身,而且十分足料,啖啖都食到朱古力醬同煉奶。而店舖亦採用心改良的雞蛋仔配方,令雞蛋仔外脆內軟,口感綿密。

地址:西灣河筲箕灣道57-87號太安樓第二街A34C號舖

 

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓

↓【免費送🎁】DPM點對點®床褥!!!↓

↓ 仲會幫您度身訂造出最適合的床褥 ↓

↓ 仲會幫您度身訂造出最適合的床褥 ↓