【火鍋推介】香港7大一人火鍋店美食推介 獨‧火鍋撚/美人鍋/船渦/8鍋臭臭鍋/一鍋瘋
11月11日雙十一光棍節又就快到，其實單身人士都可以好好地過。最近天氣轉涼好多人都會想打邊爐暖暖胃，今次就為各位單身人士推薦香港7大一人火鍋餐廳，等冇伴侶的朋友仔都可以一人一鍋打邊爐，即睇2020香港7大一人一鍋火鍋餐廳美食推介！
第 1 站 潮牛莊
潮牛莊由寰宇電影公司老闆開設，主打多款平常比較罕見的牛部位，包括爪邊、牛頸脊、挽手等等，餐廳亦貼心地附上各部位最佳食用方法，咁就唔怕煮得過老啦！而好多香港明星亦是餐廳的座上客，食店深受市民歡迎，按下圖睇價錢詳情。
地址：尖沙咀金馬倫道23-25A金馬倫廣場2樓A號舖
電話：3590 3666
資料發圖片來源：潮牛莊
第 2 站 船渦
船渦設有全港首間一人一鍋蒸氣火鍋，主打多款海鮮套餐，會有蟹、帶子、龍蝦等海鮮可以選擇，食物因不同套餐而有所不同，蒸完海鮮之後仲可以選擇加入白粥或火鍋湯底，更有安格斯牛肉、雞腿肉、豬腩片和各種手打丸類的配料可選擇！另外，餐廳最近更推出「橫行無忌套餐」，套餐包括有：2隻約重四兩半大閘蟹，另外更有八款海鮮、肉類、特色丸類、蔬菜拼甜品等等，之後仲可以加魚湯打邊爐又或者選擇粥底添。
地址： 銅鑼灣謝斐道 500 號維安商業大廈 3 樓
電話：2885 0268
資料發圖片來源：船渦
第 3 站 8鍋臭臭鍋
來自台灣的過江龍8鍋臭臭鍋在香港擁有兩間分店，店舖提供多種各有特色的台式鍋底，更會不時推出期間限定口味，等大家可以保持新鮮感，大家以後唔使去台灣，都可以品嚐到正宗的台式臭臭鍋風味！
地址：九龍 尖沙咀 金巴利道77號/香港銅鑼灣謝斐道440號駱克大廈A座地下E舖
電話：2885-7867 ／2970-2088
第 4 站 一鍋瘋
這間主打粥底火鍋的餐廳，仲有各種自創特色湯底味道選擇，包括椰子粥水、甘荀粥水、紫薯泥煲、粟米粥水湯底，場內仲有各種新鮮海鮮選擇，大家可以去試試口味特別的湯底！
地址：旺角通菜街1號威達商業大廈地下N舖
營業時間：星期一至日 17:00 - 01:00
電話：27772030/62761928
第 5 站 鍋處Hana
主打壽喜燒和涮涮鍋，以JA日本全農直送和牛爲賣點，以大眾化的價錢為大家提供正宗的日式用餐體驗。午市最平$138起就可以食到一人壽喜燒、涮涮鍋放題。另外仲有日本黑毛和牛、澳洲M4和牛等靚牛可以選擇，各位牛魔王記得唔好錯過！
地址：東涌達東路20號東薈城名店倉3樓317號舖
電話：26731113
第 6 站 獨‧火鍋撚
獨‧火鍋撚為火鍋撚旗下首間的一人一鍋專門店，餐廳主打彖優質食材製作創新美食。新店定位為「平價火鍋撚」，大家可以更相宜的價錢就能歎到足料秘制湯底、安格斯肥牛、海鮮、手工餃等美食。
地址： 旺角白布街染布房街交界藝興大廈地下14號舖
電話：2336 7370
資料及圖片來源：獨‧火鍋撚
第 7 站 美人鍋BIJIN NABE
來自日本東京的美人鍋主打健康的養生鍋，湯底通過雞肉慢煮8個小時以上，濃縮成濃郁且又含豐富膠原蛋白的雞湯。餐廳更提供14至16種五顏六色的蔬菜供大家選擇。食客亦可從8種特色湯底和9種肉類中按照您的喜好挑選。通過將蝦，魚，日式魚餅和烏冬等食材組合在一起，組成一個專屬自己口味的火鍋。
地址：香港觀塘觀塘道418號創紀之城五期 (APM) 三樓L3-13號鋪
電話：3596-3909
資料及圖片來源：美人鍋
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
