【香港美食】香港8大人氣煲仔飯美食推介2019 荃灣/旺角/西環/大埔煲仔飯推薦

2020.10.20

最近天氣逐漸變凍,好多人都想食一些比較暖胃的食物。除了火鍋打邊爐外,其實去食吓即叫即製的煲仔飯,淋上甜甜的煲仔飯豉油,再食埋脆卜卜的金黃色飯焦,亦是好多人秋天食飯的選擇。不過其實除了廟街有煲仔飯食之外,香港仲有好多地方可以食到惹味又足料的煲仔飯,所以今次就為大家搜羅了各區如旺角、慈雲山、大埔等區域的8大人氣煲仔飯美食餐廳,包括慈雲山榮記茶餐室、陳漢記、祥囍煲仔小廚等等。即睇2020香港人氣煲仔飯推薦!

第 1 站 紹華小廚

店內除了有售多款傳統口味的煲仔飯外,餐廳亦提供10大創新口味,包括野菌鵝肝、泰式豬頸肉、麻辣海鮮、蟲草花滑雞等新式口味,適合一眾喜歡試新口味的朋友仔。

地址:筲箕灣愛秩序灣道15號愛秩序灣街市熟食中心CF3店

營業時間:星期一至日07:00 - 22:30

資料及圖片來源:紹華小廚


 

第 2 站 祥囍煲仔小廚

祥囍煲仔小廚位於後街暗巷,位置較偏僻,是間隱蔽小店。雖然地理位置不方便,但好多市民都會專程到訪試食店內的煲仔飯。大廚推介臘味蝦乾飯,惹味十足,當然仲有好多其他口味啦。

地址: 筲箕灣愛民街6-28號新利大廈地下4A-5A號舖

營業時間:星期一至日10:30 - 00:00

資料及圖片來源:祥囍煲仔小廚

 

第 3 站 銓滿記餐廳小廚

除了油麻地廟街有煲仔飯食之外,旺角其實都有不少選擇,其中這間「銓滿記餐廳小廚」,出名海鮮煲仔飯,白飯吸收了海鮮的鮮味,有新鮮扇貝、蝦、象拔蚌等,好足料

地址:旺角新填地街419號萬福大廈地下

資料及圖片來源:銓滿記

 

第 4 站 嚐囍煲仔小菜

「嚐囍煲仔小菜」以炭爐煮煲仔飯,餐廳更入選「米芝蓮指南2018」。店舖供應的煲仔飯種類甚多,其中推薦白鱔排骨飯,充滿鱔香,魚肉鮮甜,排骨油分滲進飯內令米飯變得更香軟。再配上自家製豉油,入口帶有臘腸味,好惹味!

地址:西環北街25號地下

營業時間:星期一至日06:00 - 16:00;18:00 - 06:00

資料及圖片來源:嚐囍煲仔小菜


 

第 5 站 砂煲兄弟

這間在將軍澳的「砂煲兄弟」,主打Fusion煲仔飯,除了有傳統口味外,還有幾款新派創新口味,例如有日式抹茶櫻花蝦鰻魚煲仔飯及新加坡海南雞煲飯。經過將軍澳不妨可以試下~

地址:將軍澳重華路8號東港城1樓101號舖/荃灣荃華街3號悅來坊B1樓B119A號舖

營業時間:星期一至日 08:00 - 22:30(將軍澳)/星期一至日08:00 - 22:00(荃灣

資料及圖片來源:砂煲兄弟


 

第 6 站 陳漢記

位於大埔的老字號茶記陳漢記,以煲仔飯、腸粉及粥品,店內的煲仔飯口味種類甚多,吸引不少食客排隊捧場。黃鱔滑雞煲仔飯一打開就充滿鱔香,份量亦十分足料,食落有飯焦。另有熱辣辣的公司臘味煲仔飯,配上豉油食落相當惹味。喜歡臘腸臘肉配白飯經典配搭的朋友,可以一試!  

地址:大埔運頭街91B地下  

營業時間:星期一至日11:00 - 04:00

第 7 站 榮記茶餐室

榮記茶餐室除了有多款傳統煲仔飯之外仲有多款新派煲仔飯,例如火焰玫瑰肥牛煲仔飯、金蠔蝦乾煲仔飯、邪惡芝士餐肉煲仔飯、四川麻辣肉餅煲仔飯等等,全新即叫即製,保證風味十足。  

地址:慈雲山毓華里12號地下A-B舖  

營業時間:星期一至六06:30 - 21:30;星期日06:30 - 17:30

資料及圖片來源:慈雲山榮記茶餐室

第 8 站 江湖小棧

位於荃灣的江湖小棧,煲仔飯以豬油製作,保留油香,除了有傳統風味的煲仔飯外,更十分貼心的推出自選配料煲仔飯,客人可選任選1至3款餸菜,即叫即煲!

地址:荃灣鱟地坊30號寶成大厦1號地舖

電話:23997994

營業時間:星期一至日18:00 - 00:00

資料及圖片來源:江湖小棧
立刻訂閱Telegram優惠頻道:

【港生活6周年大激賞】入App贏至「嘆」巨獎!

↓↓第四擊送Microsoft Surface Go 2平板電腦↓↓

第四擊送Microsoft Surface Go 2平板電腦

免費睇《網購愛好者必讀!網購全攻略2020》

↓一次過睇盡最新必睇必買網購資訊!↓

一次過睇盡最新必睇必買網購資訊!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用