正在閱讀
【雞煲推介】香港8大抵食雞煲推介2019 任食雞煲放題/任食過50款配料/芝士雞煲

【雞煲推介】香港8大抵食雞煲推介2019 任食雞煲放題/任食過50款配料/芝士雞煲

2019.11.24

雞煲永遠都是香港人秋冬天必食的菜式,雖然雞煲在香港已十分盛行,但在芸芸餐廳中想食到又平又好食的雞煲亦不容易,所以今次就為大家搜羅觀塘、旺角、尖沙咀、銅鑼灣等地區的人氣雞煲餐廳美食。大部分店舖都提供任食雞煲放題,食完雞煲仲可以加配料食埋打邊爐添!即睇2019年香港8大抵食雞煲推介。

第 1 站 火水爐

火水爐是間懷舊戲院主題冰室,無論門口定內部都特別裝潢,將六十年代的老香港重現眼前。餐廳貼滿不同搞鬼電影海報介紹食物,放置真火水爐裝設 打造六、七十年代感覺,更分成3個主題地區如綠窗舊街景、康樂棋盤壁畫及後巷裝修,到處都是打卡拍照位。餐廳提供雞煲火鍋海鮮套餐,可以食到時令海鮮拼盤,仲可以任食特級牛安格斯牛肉、珍寶肥牛、黑毛豬肉片、丸類等等,唔夠飽仲可以食埋懷舊甜品添!

地址: 旺角煙廠街33號朗廷軒1樓

營業時間:12nn-5pm; 6pm-11pm


 

第 2 站 金啫の鍋

金啫の鍋是間位於旺角的海鮮雞煲放題店,一個價錢就能食齊雞煲、海鮮。大家可選其中一款海鮮,有鮑魚、蟶子,選蟹的話更每人有一隻,店主更特別推介啫蝦!餐廳更推出「一手蜆」遊戲,客人可用雙手撈蜆一次,撈幾多就送幾多!每2-4位玩一次,4-8位玩兩次,如此類推,食完海鮮仲可免費加湯打邊爐,全場多達50款火鍋配料任食,有肥牛、手工雲吞、白鱔等。

營業時間:星期一至日17:30 - 01:00

地址: 油麻地彌敦道558-560號譽發廣場7樓

第 3 站 食雞

食雞是間位於大角咀的雞煲店,每2-4位就可以享用一隻雞,食完唔夠仲可以加錢再添一隻雞添,適合一班大胃王。除了有原味雞煲之外,餐廳亦另外提供3大款式,包括養生雞煲、椰香雞煲及芝士雞煲,迎合不同食客的口味。火鍋配料任點任食,款式多而且比較特別,包括有安格斯雪花肥牛、西班牙黑毛豬、新西蘭嫩鴨血、美國健力士啤酒腸、德國車打芝士熱狗腸、韓國珍寶蟹棒等等,場內仲設蔬菜自助區,可以任取蔬菜,大家可以約埋朋友去食。

營業時間:大角咀洋松街38號地下1-2號舖

地址:18:00 - 02:00


 

第 4 站 吞 POT 雞煲火鍋

吞 POT 雞煲火鍋有6款雞煲可以選擇,而小編心水推介是辣酒花螺雞煲,雞肉同辣花螺都好足料,花螺肉爽口辣得入味!另外,餐廳亦有獨家推出滋補螺片花膠雞煲,以螺片及花膠等熬製,骨膠原豐富。當然仲有多款特式火鍋配料可以食,包括深受市民歡迎的爆芝響鈴,全部即點即製。另外仲有師傅手打製作的十全大補丸,包括海膽丸、芝心丸、蟹粉丸、鵝肝丸及黑松露丸,當然仲有肥牛、水餃、手打蝦滑、墨魚滑、鯪魚滑等等,按下圖睇詳情。  

營業時間:星期一至五12:00 - 15:00;17:30 - 00:00 星期六至日12:30 - 15:30;17:30 - 00:00  

地址: 尖沙咀山林道38號銀座12樓

 

第 5 站 豐鍋

豐鍋是間在沙田石門及深水埗荔枝角道都設有分店的雞煲火鍋店,主打十二種香料秘製的豐味麻辣雞煲,以及多款特色手工火鍋配料,誠意十足。豐鍋招牌麻辣雞煲,有BB辣至大辣選擇,不能食辣的朋友亦可選走辣。而配菜方面就有牛頸脊、蝦丸、墨魚丸、黑墨丸、鯪魚丸 即炸爆芝紫菜響鈴等等,配料選擇算多,有興趣可以同一大班朋友試試。

營業時間:星期一至日上午11時至下午3時;下午5時至凌晨12時

地址: 沙田安群街3號京瑞廣場一期1樓137號舖/深水埗荔枝角道240號地下A-C號舖

 

第 6 站 淥鼎記

淥鼎記為觀塘一間佔地1萬呎的養生火鍋店,推出無限時養生火鍋套餐,可以任食麻辣雞煲,更有多達20款火鍋配料任食。套餐包括有:江南八小碟、原條時令活魚刺身、美國牛小排、海鮮大拼盤等等,餐廳還提供任飲的自家製清熱飲品添。

營業時間:星期一至日 12:00 - 15:00;17:30 - 23:30  

地址: 九龍觀塘道 414 號 1 亞太中心(OPC)8 樓全層

第 7 站 九龍城同撈同煲火鍋

九龍城同撈同煲火鍋火鍋店裝潢重現了舊時香港的風貌,大家可在滿滿的懷舊風下食港式邊爐,氣氛一流。雞煲香噴噴,微辣惹味,煮至收汁後仲可以另加肥美鵝腸、秘制鹵大腸、黑栢葉等炒香,吸晒雞煲的味道,惹味十足。除了餐廳裝潢盡顯心思外,火鍋配料融合了港式特色,如燒賣、糖不甩等,令人驚喜。另外自家製配料還有手打肉丸 、鮮製餃子等,種類多多,按下圖睇有咩食!

地址:九龍城打鼓嶺道70-72號地舖

營業時間:星期一至日 5:30pm - 2am 

第 8 站 四季文昌

在香港也有椰子雞煲食!四季文昌餐廳的選擇多,除了有原味椰子雞煲外,仲有麻辣口味、花膠文昌雞鍋等。而且椰子雞鍋湯底是以新鮮椰子水,而非椰漿作為湯底,再配上150-180日海南文昌雞,有質素的保證!麻辣雞煲則以以3種辣椒為製成,包括有泡椒、川椒及牛角椒,夠晒惹味,當然仲可以食埋其他火鍋配料同酒精特飲可以選擇啦,按下圖睇有咩食。

地址:旺角荔枝角道33號百匯軒地下及1樓全層

營業時間:11:30 - 00:00

資料及圖片來源:四季文昌

↓【U Lifestyle App限定】免費賞您Club Sim!↓

立即下載賺U Fun!人氣禮遇、優惠折扣隨時等您攞!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠