【日本菜推介】香港8大親民價壽司店推薦!火灸壽司$6起/$20魚生飯/手卷$12起

2020.01.11

日本菜一直都深受香港人喜愛,當中壽司更是食日本菜必食的美食,但食厭連鎖餐廳的壽司想更有新鮮感?今次就為大家推介香港8大抵食壽司食店,當中包括多間日本過江龍餐廳:壽司郎Sushiro、頑固壽司Ganko Sushi(がんこ壽司)、翔壽司等等,全部都既好食價錢又親民,即睇2020年香港8大抵食壽司店推介。

第 1 站 壽司郎Sushiro

日本人氣迴轉壽司店Sushiro壽司郎主打100円平價迴轉壽司,於日本及海外一共有超過530間分店。香港店除了有多款平價壽司之外,當然唔少得香港限定壽司款式,壽司價錢$12起!除了壽司外,店舖亦提供多款熱食及甜品,按下圖睇有咩食!

地址:佐敦彌敦道348號彌敦坊UG樓
電話:23887887
營業時間:2019年8月13日至24日中午12時至晚上9時 (最後落單為晚上8時30分);8月25日開始早上11時至晚上11時 (最後落單為晚上10時30分)

第 2 站 頑固壽司Ganko Sushi

Ganko Sushi主打價錢親民的迴轉壽司,於日本全國有多間分店。餐廳提供多款手握壽司,例如三文魚、甜蝦、吞拿魚,每碟只是100円起,非常抵食。另外亦設有多款日式熱食。

地址:九龍尖沙嘴河内道18號K11購物藝術館106舖
圖片來源:Ganko sushi

第 3 站 翔壽司

尖沙咀的立食壽司店「翔壽司」主打抵食的價錢就食到Omakase,不過餐廳企位大約只有10個~食材每日由豊洲直送,可以食到多款刺身之外,還有不同魚生稀有部位,例如火灸吞拿魚面頰肉、腦天等,火炙三文魚都只是$9。餐廳還有提供午市定食,魚生丼飯最平$58就有交易!即睇有咩食。

地址: 尖沙咀厚福街5-6號多富閣地下4號鋪
電話:2366 7988
營業時間:星期一至日12nn-11pm

第 4 站 為食龍Hungry Dino

位於銅鑼灣的一間日式輕食店「為食龍Hungry Dino」,店鋪設計好有特色,以恐龍圖案為主,主打多款口味的爆餡抵食腐皮壽司,壽司用料新鮮,即叫即做!腐皮壽司款式多樣化,有甜蝦蟹籽、明太子三文魚、蔥吞拿拖羅蓉等。除了壽司,仲有售創新口味的飯團、便當等,按下圖睇有咩食。

地址: 銅鑼灣耀華街3號百樂中心地下G01號舖
電話:35802874
營業時間:星期一至日12:00 - 20:00

第 5 站 炙

「炙」火炙壽司專門店是間十分受附近學生哥和街坊歡迎的食店。店舖主打即叫即做的火炙壽司,最平只需$6件就食到火炙三文魚壽司,部分普通手握壽司仲只需$5 !店鋪還有即做手卷、自選魚生飯等,都好抵食,下次到深水埗不妨掃街時去試試啦~

地址:深水埗欽州街49號德寶大廈地下

電話:2461 1121
營業時間:星期一至日9am - 10:30pm

第 6 站 築地日本料理

築地日本料理以居酒屋格調為裝修主題,海鮮缸內每日供應新鮮海鮮,保證壽司質素。店舖更推出抵食優惠,晚上9點後大部分壽司半價發售!除此之外,餐廳亦設有素食壽司套餐,素食者可以去試試,按下圖睇優惠詳情。

地址:銅鑼灣記利佐治街1號金百利廣場7樓R1室

電話:25043338

營業時間:星期一至日12:00 - 23:00

資料及圖片來源:築地日本料理

 

第 7 站 立鮨

立鰭是間立食壽司店,全部食物都是即點即做,壽司最便宜$9,可叫外賣,款式都算多,當中最有人氣的是三文魚子壽司,三文魚子多到滿瀉,壽司師傅最後再加上柚子,十分惹味。火灸壽司選擇也多,全部都是即點即燒,入口熱辣辣。店內當然亦有多款平價壽司,三文魚壽司、牛油果壽司、玉子壽司全部只需$9 !而三文魚手卷、蟹棒手卷、芥辣八爪魚手卷、加洲手卷亦只需$12-$15!壽司店當然仲會提供熱食啦,店舖可以容納10多人,想體驗一下立食壽司,推薦這家小店給大家!

地址:尖沙咀金馬倫道23號金馬倫廣場地下D舖

電話:28363830

營業時間:星期一至四12:00 - 23:00;星期五至六12:00 - 23:30;星期日12:00 - 23:00

第 8 站 御品·千之味

位於深水埗的御品·千之味不時會推出新餐單以保持顧客的新鮮感。店舖更會於每個月第一個星期二在指定時間推出$20日式定食,優惠美食包括三文魚魚生飯、角切魚生飯、汁燒牛肉飯等等,十分抵食。店內當然仲有不同新鮮壽司可以食啦,按下圖睇優惠詳情。

地址:深水埗荔枝角道390號C號地舖

電話:37047177

營業時間:星期一至日12:00 - 22:30

資料及圖片來源:御品·千之味

立刻訂閱Telegram優惠頻道:

《UU熊 Home Chat》新登場!

↓↓Chat一Chat 即攞Stay Home Tips!↓↓

Chat一Chat 即攞Stay Home Tips!

U Lifestyle App《TV》專區隆重登場!

↓↓試玩、試食、試用影片任您睇↓↓

U Lifestyle App《TV》專區隆重登場!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用