最近天氣轉涼，不少人都喜歡約朋友去打邊爐暖暖身，嫌食火鍋不夠健康的話，可以試試海鮮蒸氣鍋，可以食到食物的原汁原味外，更比起用濃郁湯底食火鍋較健康。今次就為大家推介5大$200有找海鮮蒸氣鍋，除了可以食到各款新鮮海鮮，包括：鮑魚、帶子、肉蟹、海蝦、桶蠔等美食外，更可以歎埋大閘蟹、刺身、八寶蒸飯、乳鴿等美食！即睇2020年5大抵食海鮮蒸氣鍋推介。
第 1 站 鍋心八鮮蒸鍋
鍋心八鮮蒸鍋可以抵價$228食到兩款廚師指定加六款自選時令海鮮，共八款海鮮，包括：鮑魚、海蝦、魷魚、肉蟹等等。店舖亦十分貼心，於入座時會每人送一盅燉足六小時足料靚湯，之後仲包埋八寶蒸飯及時令甜品，夠晒滿足，按下圖睇餐廳美食及詳細餐牌。
地址：太子花園街207-209號地舖／觀塘馬蹄徑5號寶峯大廈地下連一樓
電話：28862334
資料及圖片來源：鍋心八鮮蒸鍋
第 2 站 壹蒸鍋
壹蒸鍋是間放題海鮮蒸氣鍋餐廳，最平$159就可以食到海鮮蒸鍋加打邊爐。食完海鮮更可以任點多款蒸品及火鍋配料，包括：海蜆、黑豚肉、雪花肥牛、花膠、海蝦等等，全部任食！嫌唔夠飽仲可以加錢食埋刺身添，一次過滿足大家多個願望！按下圖睇餐廳美食及詳細餐牌。
地址：旺角西洋菜街1號兆萬中心15樓
電話：29899433
資料及圖片來源：壹蒸鍋
第 3 站 船渦
船渦設有全港首間一人一鍋蒸氣火鍋，主打多款海鮮套餐，會有蟹、帶子、龍蝦等海鮮可以選擇，食物因不同套餐而有所不同，蒸完海鮮之後仲可以選擇加入白粥或火鍋湯底，更有安格斯牛肉、雞腿肉、豬腩片和各種手打丸類的配料可選擇。當中「九品芝麻套餐」更只需$188就可以吃足七款海鮮，有齊蟹，黃金蚌，蝦，鮮魚片，白蜆，鮑魚及大蜆，跟餐還有美國肥牛，特色點心及蔬菜拼盤，十分抵食！另外，餐廳最近更推出「橫行無忌套餐」，套餐包括有：2隻約重四兩半大閘蟹，另外更有八款海鮮、肉類、特色丸類、蔬菜拼甜品等等，之後仲可以加魚湯打邊爐又或者選擇粥底添，按下圖睇餐廳美食及詳細餐牌。
地址：銅鑼灣謝斐道500號維安商業大廈3樓
電話：28850268
資料及圖片來源：船渦
第 4 站 辣蟹莊
辣蟹莊的海鮮蒸氣鍋底層為綿密粥底，蒸海鮮所流出的精華會滴落下層的白粥中，令白粥吸收所有海鮮精華，夠晒鮮味。除了可以加錢食日本元貝、美國桶蠔、鮑魚、貴花蚌等海鮮外，大家更可加錢追加燒腩仔、燻蹄、乳鴿、叉燒等中式美食，按下圖睇餐廳美食及詳細餐牌。
地址：觀塘開源道55號開聯中心A座地下6C-6D號舖
電話：39967282／23416226
資料及圖片來源：辣蟹莊
第 5 站 九重鮮
主打韓式海鮮蒸氣火鍋的九重鮮主打蒸鍋及串燒烤肉海鮮，最平$198就可以任食白蜆、沙蜆、海蝦。海鮮塔選用新鮮食材，除了可以食到海鮮本身的濃厚鮮味外、亦可試試再配以店舖特製的凍海鮮醬汁一齊食，提升鮮味，按下圖睇餐廳美食及詳細餐牌。
地址：紅磡黃埔天地聚寶坊(第11期)地下G26號舖
電話：23210188
資料及圖片來源：九重鮮
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】大派AIA嘉年華門票＋代幣200套！↓
↓ 免費入場！玩盡機動及攤位遊戲！↓
↓【聖誕狂賞】 送您最新iPhone 15 Pro📱↓
↓ 簡單分享即有機會得獎！立即參加～↓
