【香港好去處】南港島區輕鬆一日遊 舢舨船體驗/鴨脷洲傳統港式小食/工業風Cafe

2021.04.03

說到香港南港島區,好多人第一時間都會想起海洋公園,其實南區不只得海洋公園一個好去處!以下就為大家推介4個南區好去處,包括舢舨遊、食記餐廳、AP Coffee以及Africa Coffee &Tea,由鴨脷洲走到黃竹坑,有本地文化體驗,又可以品嚐非洲咖啡及料理,一齊睇下行程路線啦!

第 1 站 舢舨遊

香港仔漁港是香港漁民文化的發源地,要認識從前的漁民文化,就要走進南港島區乘上傳統舢舨船,來一個本地文化遊。「浪游漁港1773」會帶你坐上傳統舢舨船,由鴨脷洲洪聖古廟出發,透過語音導航,遊覽整個香港仔避風塘。途經13個地標,包括珍寶海鮮舫、鴨脷洲造船廠、香港仔住家艇等。到達珍寶海鮮舫之後會預留時間讓乘客打卡影相,而最後一站會去香港仔住家艇參觀,可以認識舊時水上人的生活。「浪游漁港1773」亦提供午餐團,參加者可以一嚐傳統即叫即製的魚湯艇仔粉!

 

有興趣的朋友可以>>按此<<到「浪游漁港1773」官方網站報名。

 

第 2 站 食記餐廳

鴨脷洲大街有好多形形色色的餐廳,其中最為人熟悉的就是「食記餐廳」,鴨脷洲居民一定會食過!食記餐廳主打傳統港式地道小食,有炸油池、炸麥樂雞、炸蕃薯、生菜魚肉、碗仔翅等,當中最出名就係生菜魚肉翅,大家都叫它做「兩溝」,大家不妨去試下。

地址︰鴨脷洲鴨脷洲大街42號舖


 

第 3 站 AP Coffee

再行前幾步就會發現一間工業風咖啡店,AP Coffee環境簡約整潔,提供全日早餐、輕食、特色咖啡等,餐單中的牛油果多士選用新鮮牛油果即叫即製,而且非常足料!

地址︰鴨脷洲鴨脷洲大街54號地下


 

第 4 站 Africa Coffee &Tea

走進黃竹坑工業區,就有全港首間非洲主題咖啡店Africa Coffee & Tea,Africa Coffee & Tea的精品咖啡都係採用非洲咖啡豆,由老闆親自由非洲採購,喜歡非洲咖啡豆的人可以試一試!Africa Coffee & Tea同時提供非洲料理,窗邊位置天可以觀賞香港仔避風塘海景。

地址︰黃竹坑香葉道41號15樓1501-1504室


 

立刻訂閱Telegram優惠頻道:

超過1,000個自助餐提案!

↓即刻入App免費睇↓

即刻入App免費睇

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠