【東大街美食】筲箕灣東大街5大掃街美食推介2021 焦糖燉蛋班戟/爆餡黃金格仔餅/無骨炸雞翼

2021.06.24

提起港島掃街又點少得筲箕灣東大街呢!短短一條街就雲集多間有名街頭小食店,例如東大街名物焦糖燉蛋雪糕班戟、低調高手大街小食的招牌黃金格仔餅、小食皇的即炸無骨雞翼等等。今次就帶大家東大街掃街,即刻睇睇有咩掃街美食推介啦!

第 1 站 I Love 戟 班戟專門店

這間甜品店出品的焦糖燉蛋雪糕班戟可說得上是東大街名物,掃街必食!焦糖燉蛋雪糕班戟($32)賣相好吸引,面層有焦糖好香脆,加上燉蛋蛋香滑溜,下面還有一層雪糕,可以自選口味,有曲奇、豆腐、朱古力、士多啤梨、沖繩海鹽味等等。店鋪同時還有售台式茶飲,例如仙草奶茶($20)、荔枝蘆薈($19)等等。

I Love 戟
地址:筲箕灣東大街76號地下C號舖

第 2 站 小食皇

小食皇除了有售腸粉、魚蛋、燒賣之外,店鋪招牌無骨炸雞($32)都深受大家愛戴,新鮮即叫即炸,粒粒都脹卜卜好肥美。表皮炸得香脆,仲有好多香料。肉質好juicy嫩滑,食落啖啖肉,店主好細心,將雞翼去骨,鐘意食雞翼又不同吐骨,簡直是懶人為食首選!

小食皇

地址:筲箕灣筲箕灣東大街76A號地下2A號舖

營業時間:星期一至日12:00 - 22:00

第 3 站 低調高手大街小食

這間小食店是東大街的人龍店,以雞蛋仔及格仔餅聞名,平時經常需要排隊等候,可見多受街坊歡迎,人氣高企。黃金格仔餅($32),外觀厚度適中,內餡有超多鹹蛋黃碎、煉奶、砂糖,整體口感好香滑,食到啖啖醬,好足料!

低調高手大街小食

地址:筲箕灣東大街76A號B3號舖地下

營業時間:星期一至日13:00 - 21:00

第 4 站 老come煎餅

這家店的煎餅用綠豆麵漿,加上雞蛋及芝麻,再配上不同餡料及醬汁,於大鐵板上即叫即煎,賣相與手抓餅相似,但外皮煙韌不脆,但裏面有鮮炸雲吞皮,口感都幾豐富。北京烤鴨煎餅$40一份,手掌般大,食到啖啖鴨肉絲,仲有京蔥、青瓜絲、烤鴨醬,好惹味!

老come煎餅

地址:筲箕灣東大街76號地舖

營業時間:星期一12:00 - 22:30;星期三至日12:00 - 22:30 (星期二全日休息)

 

 

第 5 站 茶星人

茶飲店茶星人提供多款手搖飲品,其中更有店鋪首創的鹹蛋黃芝士奶蓋茶($30),雖然鹹蛋黃味不算濃,但鹹鹹地味道新奇,建議配純茶味道比較夾。而想要冰涼解渴的朋友,推介芝芝桃桃($33),芝士奶蓋入口香滑鹹香。

茶星人

地址:筲箕灣道57-87號太安樓地下A27B號舖

營業時間:星期一至日12:00 - 23:00

活動資訊

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠