【東大街美食】筲箕灣東大街5大掃街美食推介2021 焦糖燉蛋班戟/爆餡黃金格仔餅/無骨炸雞翼

這間甜品店出品的焦糖燉蛋雪糕班戟可說得上是東大街名物，掃街必食！焦糖燉蛋雪糕班戟($32)賣相好吸引，面層有焦糖好香脆，加上燉蛋蛋香滑溜，下面還有一層雪糕，可以自選口味，有曲奇、豆腐、朱古力、士多啤梨、沖繩海鹽味等等。店鋪同時還有售台式茶飲，例如仙草奶茶($20)、荔枝蘆薈($19)等等。

小食皇除了有售腸粉、魚蛋、燒賣之外，店鋪招牌無骨炸雞($32)都深受大家愛戴，新鮮即叫即炸，粒粒都脹卜卜好肥美。表皮炸得香脆，仲有好多香料。肉質好juicy嫩滑，食落啖啖肉，店主好細心，將雞翼去骨，鐘意食雞翼又不同吐骨，簡直是懶人為食首選！

小食皇

地址：筲箕灣筲箕灣東大街76A號地下2A號舖

營業時間：星期一至日12:00 - 22:00

這間小食店是東大街的人龍店，以雞蛋仔及格仔餅聞名，平時經常需要排隊等候，可見多受街坊歡迎，人氣高企。黃金格仔餅($32)，外觀厚度適中，內餡有超多鹹蛋黃碎、煉奶、砂糖，整體口感好香滑，食到啖啖醬，好足料！

低調高手大街小食

地址：筲箕灣東大街76A號B3號舖地下

營業時間：星期一至日13:00 - 21:00

這家店的煎餅用綠豆麵漿，加上雞蛋及芝麻，再配上不同餡料及醬汁，於大鐵板上即叫即煎，賣相與手抓餅相似，但外皮煙韌不脆，但裏面有鮮炸雲吞皮，口感都幾豐富。北京烤鴨煎餅$40一份，手掌般大，食到啖啖鴨肉絲，仲有京蔥、青瓜絲、烤鴨醬，好惹味！

老come煎餅

地址：筲箕灣東大街76號地舖

營業時間：星期一12:00 - 22:30；星期三至日12:00 - 22:30 （星期二全日休息）

茶飲店茶星人提供多款手搖飲品，其中更有店鋪首創的鹹蛋黃芝士奶蓋茶($30)，雖然鹹蛋黃味不算濃，但鹹鹹地味道新奇，建議配純茶味道比較夾。而想要冰涼解渴的朋友，推介芝芝桃桃($33)，芝士奶蓋入口香滑鹹香。

茶星人

地址：筲箕灣道57-87號太安樓地下A27B號舖

營業時間：星期一至日12:00 - 23:00