熱愛優質生活
首頁   \   網民熱話   \   神沙都換得!找換店老闆:「我太有良心...」

神沙都換得!找換店老闆:「我太有良心...」

2015.03.09

文: M!C

 

每次去完旅行,總會用剩啲碎銀 (又名神沙),如果你好鍾意個地方,當然可以儲起做紀念,又或者留番下次用;但去完「一次就夠」嘅地方,大多數人都唔知點處理。深水埗近排開咗間找換店,話神沙外幣都換得,係咪咁堅先?一於去現場望望。

 

深水埗深之都商場嘅「發達鳥」找換店,2015年1月開業,店內由人民幣、台幣、日元、韓圜到紐西蘭元都有得換,主打去短線旅遊熱點嘅港人。

廢話少講,個價靚唔靚?就用佢同中環「百年」一較高下。以3月3日為例,「發達鳥」港元兌日元係0.6495,同百年一樣;兌人民幣嘅話「百年」就會再抵少少(「發達鳥」:80.9/「百年」:81.0),但兌韓圜或台幣「發達鳥」都靚價過「百年」,看來甚具競爭力,「發達鳥」老闆Eric亦言日元同人民幣最多人兌換。

  

內容評分
評語