熱愛優質生活
首頁   \   港熱話   \   [網轉熱文]《做過婚姻介紹中心,先明白有d女係傻架》(一)

[網轉熱文]《做過婚姻介紹中心,先明白有d女係傻架》(一)

劇集《My盛Lady》截圖
2015.01.14

文: 陸師弟

劇集《My盛Lady》截圖

婚姻介紹職業一直給人神秘感覺,早前高登討論區有一篇文章《做過婚姻介紹中心,先明白有d女係傻架》引起廣泛熱議。文章作者為網名「張子石」的網民,自稱在婚姻介紹中心任職已有三年,因為工作壓力大,這次出文純粹為了發洩。故事講述作者一次遇到奇怪客人的經歷,雖然文中含有大量粗口,但因為內容啜核及幽默,因此廣受網民歡迎,文章於1月10日刊登,幾天時間已在網上瘋傳。為保留文章神髓,內文粗口不作刪改,原文如下:

第一位呀Jolly姐,三十到尾架啦,佢老母臭撚話說填form果陣,佢已經專燈唔寫年齡果欄,然後身份證張copy又係擦左出生日期,咁我就好心提下佢,小姐呀,你年齡果欄漏咗喎,我一講完,佢老母就黎料啦 

呢啲個人資料我唔想透露太多 

屌!我心諗做乜鳩呀?你唔填,我點幫你match呀?咪同佢講,小姐,其實你唔填都無所謂,不過我地好難幫你搵對象 

哦唔洗架啦,我自己搵得架啦 

吓,咁你洗乜上黎呀?咁客氣比錢我公司賺又唔洗我地做野? 

你地有無d相薄果d架,你拎黎我自己簡得啦 

我屌佢咩,真係當呢度鴨店黎,唯有好婉轉咁同佢講我地唔想披露客人資料講到嘴都臭埋先知原來佢第一次黎婚姻介紹
搞左一輪,佢死都唔肯寫年齡,淨係話三十歲左右,講真,估都估鳩到佢應該三十到尾,唉女人真係天真,如果真係想結婚既,講真,年齡呢d呃得邊個呀? 

講返呀Jolly姐,認真講,條件就okay既,名牌大學畢業又有master,中環返工高級白領,應該就係果d成日西曬面屌鳩d男下屬廢柴既西女人,住就住中環果頭聽佢講就自己一個人住,應該家境都幾OKAY 

其實佢又唔算係港女既,起碼對比起我後來遇到既果d,嘩你老母臭西有d真係港過杜如風,咁佢就係真係無乜經驗,有時真知話佢搞笑好定ON鳩好 

佢要求既對象條件都算合理既,五十歲以下,高學歷,高收入,咁我覺得以佢既條件,算合理,但問題係呢,佢唔單只係無婚姻介紹既經驗,而係我相信啦,就係連拍拖既經驗都無乜,呢樣真係大忌

頭婆吩咐過,遇到呢類比較梗既野,出街要睇實,咁我記得好快就約左佢第一次去speed dating,咁其實公司有幾種plan簡既,唔係賣廣告,講下姐,有d就單對單,條件審核會嚴d,亦唔會有第三者在場,咁最初我諗住推介呢種比 Jolly姐既,呢類就比較岩d成熟d既,因為佢地通常都中意私隱度高d既,但係後來問佢d拍拖經驗,佢ee哦哦我都估到佢無乜,唯有踢佢去幾對幾果d睇 下情況先 

咁第一次係三對三,係餐廳book左台果d,過程都幾順利,話曬Jolly姐叫做高級白領,我其實睇好佢架 

接完佢地入座之後我基本上就唔會留係現場架啦,通常坐多陣如果無乜特別野我收工添架啦,咁果晚係正常架無事發生既,一切都好順利直到我返撚左屋企11點幾果陣電話響,打黎果個係果晚三個男士之一,佢打黎第一句就係話:子石,救命呀,我係差館,可唔可以黎保釋我 

屌,我知出事

臭系,果晚我係十二點係沙田飛過去灣仔警署,保釋左果個我唔撚記得呀乜生,搞完成3點幾4點鐘,佢老母臭系呀乜生同我講,話佢被人屈非禮? 

咁佢被人屈非禮關我撚事?關呀,點解呀,因為告佢非禮果個八婆就係Jolly姐呀屌你老母! 

實件事係幾惹笑既,即係如果我唔需要零晨飛出去救佢既話。呀乜生一出黎喊撚曬口,唯有好似湊仔咁湊佢,問佢乜事,心諗唔通條友咁夠薑揸鳩Jolly姐個 波?佢話原來果晚佢地幾好傾,講開話又幾近Jolly姐屋企,咁條友咸咸濕濕諗住送佢返屋企順便整個下文,佢話就話落車果陣係咁咦錫左佢一啖跟住就賴左 野,我老母系都唔信佢啦,屌你兩個成年人,整個goodbye kiss就報警,玩鳩我咩? 

我問佢,呀乜生,老老實實,你係咪有咸濕人? 

邊知佢喊到好凄厲fifat呢咁話好真係無 

咁大家都係男人,雖然Jolly姐唔係話好正,但我都唔排除條友餓狗搶屎,唯有第日再去問下Jolly

後來我先知,其實我唔需要去搵Jolly姐,呢個諗法實在太天真太native,因為第朝我地鋪都未開呀Jolly姐已經call行曬馬係我地門口,佢老母系佢搵律師黎喎,話因為我地公司既不當安排而令佢被人非禮,要求賠償,嘩,我真係俾佢吹到啤一聲 

都唔好話佢搵個律師黎隨時貴過我地可以賠到俾佢,佢仲要好撚認真咁屌鳩我地話我地搵埋d狗屎垃圾(Jolly姐原句應該無咁粗俗)信唔信佢爆料俾乜周乜周聽搞到我地公司名譽掃地諸如此類啦 

我呢一世都記得佢攞隻爆曬青筋既手指指撚住我個鼻係公司門口商場裡面人來人往幾十人望撚住既情況底下屌柒我既個畫面,嘩,我真係果下頭都痛埋個腦one一聲幾乎暈低咁滯 

後來呢,咁我地公司唔係話好大,但係都叫老字號,呀事頭婆又度縮唔想賠錢,結果搞黎搞去搞到我,搞左一輪話個套餐比Jolly姐,期間仲要又唉又西好似求佢要咁,係呀,件事完係完撚左,但係我既惡夢正式開始
....

未完!格式所限,按此 >>繼續收看《做過婚姻介紹中心,先明白有d女係傻架》 (二)

相關連結

內容評分
評語