熱愛優質生活
首頁   \   香港周圍遊   \   九龍城區文青遊 影紅磚牆、古蹟下歎咖啡

九龍城區文青遊 影紅磚牆、古蹟下歎咖啡

2016.09.27

講到玩又點會聯想到沒有地鐵站的九龍城呢?非也,其實識得行,一樣有得買有得影有得食,而且坐巴士一樣四通八達。這次我們會帶大家先到土瓜灣逛手作老店、品嚐街坊推介的神級南乳雞球米線,再到訪九龍城區內兩處(偽)文青常到的打卡點影靚相,唔講咁多即刻出發!

九龍城區文青遊 影紅磚牆、古蹟下歎咖啡  

第 1 站 學生勞作教材有限公司 學生時代已幫襯的手作老店

第一站首先出發至馬頭圍道安徽街的學生勞作教材有限公司,睇真啲個名,80、90後學生時代上美術堂應該是用它提供的材料包呢(除非唔係!),絕對稱得上「手作老店」。店舖分兩層,貨品齊全,由文具、畫筆、公仔膠紙、手工布到羊毛氈DIY材料包等手作材料都有,亦有分門別類的手作教學書出售,啱晒想自學的手作初哥。

咪以為學生勞作教材店只適合學生哥,小編意外地在店內找到早前大熱的Tsum Tsum編織公仔書連材料包($148),外面代購可能較貴,想買不妨來格價,還有近期大熱的愛麗絲公仔DIY包,盛惠$98,一樣令人心動啊!

內容評分
評語