夏天到啦，唔少行山初哥想舒服輕鬆去郊遊遠足！不過，香港有數百條行山徑，在行山前緊記要做好資料搜集，找一條難度合適的路線，安全至上。今次就為各位懶得預備的行山初哥介紹5條超簡易的行山路線，有靚景之餘難度不高，行山新手都可以輕輕鬆鬆完成旅程！提提各位初哥行山友量力而為，離開時記得帶走所有垃圾，一齊保護美好風景！
第 1 站 城門水塘
城門水塘想行以平路為主的行山路線，又要有靚景的話，城門水塘是一個不錯的選擇，圍繞水塘走，路程大約需要2小時，而且大部份圍繞水塘的路都是平路，一直沿教育徑走更可走進著名的白千層，抬頭望向兩行大樹，非常壯觀，和朋友情人影相一流！
第 2 站 鹿頸至鳳坑
鹿頸至鳳坑是一條非常適合行山新手的路線，由鹿頸出發，沿途有不少影相位，走大約二十分鐘後更會有一大片草地，猶如置身童話世界，有興趣野餐的朋友亦可以預先帶備食物在草地上休息，一直走的話亦是平路，不會太辛苦，最後到達鳳坑村外更有一個小碼頭，可以欣賞日落！
第 3 站 西環沙灣
提起西環必定會想到西環泳棚，不過近年假日到西環泳棚難免多人，如果想寧靜地看日落，其實可以到附近的西環沙灣。西環沙灣是一個小石灘，有一個小小的碼頭可以看到日落，和西環泳棚相比更小人更寧靜，而且到沙灣的交通很簡單，只需乘巴士在域多利道下車或小巴在麥理浩復康院下車走就可，沿小路走亦算輕鬆，走到石灘時小心踏到碎石就可。
第 4 站 瀑布灣
不想行山路又想睇靚景的話就一定要選擇瀑布灣！搭巴士去到華富村商場落車行大約十分鐘就可以到達瀑布灣近距離欣賞大瀑布，如果想走多點路，又不介意澗水的話，亦可以去埋石屋和機槍堡，是一條非常方便簡單的一條郊遊路線！
第 5 站 大澳虎山
大澳或去比較交通不便，需要由東涌再巴士入去，但時間許可的話絕對值得去一次！大澳虎山很容易行，最適合行山初哥，啱晒想影靚相又怕辛苦的你！
詳細路線：http://hk.ulifestyle.com.hk/spot/detail.html?id=ABdGDVo1BwxZFQNu
點擊圖片放大
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
