期間限定！太興 x Lab Made推出冰鎮奶茶味雪糕

太興將會聯同Lab Made於5月21日至6月3日期間，推出限定版冰鎮奶茶雪糕，憑太興任何消費單據或到7-eleven購買太興罐裝奶茶滿$20之單據，到Lab Made購買兩杯雪糕（其中一杯須為冰鎮奶茶口味），即可享$10折扣優惠。

同場加映，太興罐裝奶茶現已登陸7-Eleven，由即日起至6月16日兩罐只售$18.9。 

5月21日下午1時至2時，荃灣荃新天地2期將有限定版冰鎮奶茶雪糕試食活動，名額為100名，先到先得，送完即止。

太興冰鎮奶茶的口碑向來都不錯，茶味香濃，質地幼滑，而且冰感十足，是不少奶茶迷之選。 

今次聯同Lab Made分子雪糕專門店推出冰鎮奶茶雪糕，上面有數粒奶茶味啫喱，味道甘香；而雪糕奶味偏重，有同事認為第一口未食得出奶茶味，不過質地幼滑厚身，喜歡喝奶茶的朋友不妨一試！

 

太興罐裝奶茶其實早已在各分店有售，最近登陸7-Eleven，咁方便，喜歡喝奶茶的小編當然立刻去附近的便利店入貨！可惜，尋遍4間7-Eleven都未能買到，可能是售賣初期沒有大量入貨吧，唯有走回餐廳購入一罐。

比較新推出的奶茶雪糕，小編還是喜歡罐裝奶茶多一點！