OK便利店新出多款波子汽水 咖哩、泡菜味你揀邊款？

由即日起，Circle K推出兩款「重量級」口味波子汽水，包括「咖哩味」和「泡菜味」，每支$10，於大部分OK便利店有售，最適合勇於嘗試新事物的你。小編請來編輯部幾位同事率先試飲，即看《試飲報告》！

同時，7-Eleven亦最新引入了韓國大熱的三熱勁辣撈麵，即看《試食報告》吧！

OK便利店新推出「咖哩」及「泡菜」味波子汽水，聽個名已經覺得非常刺激，再買多支聽落較正常的「鹽味西瓜」，請同事幫大家試試味先！憑直覺，鹽味西瓜應該味道最淡，其次是泡菜，咖哩應該最濃味吧！（最後發現估錯哂）

先試推出了一段日子的「鹽味西瓜波子汽水」，按下波子，一陣西瓜味已經湧出來，有點像香精的味道，味道不太討好，但勝在容易入口。

評分（5分滿分）

聞落最似：4

飲落最似：1

好味程度：2

之後再試「泡菜味波子汽水」，一開蓋，嘩，超濃泡菜同香蒜味，合埋雙眼仲以為枱上有碟泡菜。小編覺得味道太強烈，好難入口，而小編P就覺得飲落去似提子汁，接受到喎…

評分（5分滿分）

聞落最似：5+++

飲落最似：3

好味程度：3

最後試「咖哩味波子汽水」，有少少失望，聞落只得淡淡胡椒味，亦因為咁，咖哩味竟然最易入口。

評分（5分滿分）

聞落最似：2

飲落最似：3

好味程度：4