每日限量！吉野家「帆立貝龍蝦湯鍋」

來到新一年，吉野家搞搞新意思為食客帶來全新「帆立貝龍蝦湯鍋」，選用原隻鮮味帆立貝作火鍋配料，芝士竹輪卷換上流心芝士球，似乎幾吸引。味道如何，龍蝦味究竟合不合格？即看《試食報告》。

湯底方面，除了基本的野菜清湯和日式濃湯外，還可選擇以加拿大龍蝦秘製而成的龍蝦湯，以後去吉野家打邊爐就有個新選擇啦！

*只限堂食，晚上6時後供應 

為食的你要看…

>> 慈雲山人氣小食店老闆榮休　再見「老柴」、「炸老蛋」？

>> 人均$120！天后抵食邊爐，必食自家製水餃、雲吞！

>> 每日登場！麥當勞「日日開心Keep Going」優惠

有一種情意結叫「去吉野家打邊爐」，突然想打邊爐，偏偏無錢、無時間、無飯腳，就去吉野家開餐吧！

「帆立貝龍蝦湯鍋」食品包括各款蔬菜、流心芝士球、帆立貝、牛肉/雞肉及烏冬/粉絲/白飯，跟餐有一杯飲品或麵豉湯，份量基本上跟吉野家一貫推出的一人火鍋無分別。

不過，既然今次的主角是帆立貝，小編認為得一粒帆立貝，未免有點失色。

深受食客歡迎的芝士竹輪換上流心芝士球，芝士份量同樣十足；不過芝士球的忌廉味較重，偏甜，未必人人喜歡。

講到套餐的另一主角「龍蝦湯底」，可能小編本來「六十幾蚊應該無乜龍蝦味」的心態，飲第一口湯時，竟然有點驚喜。

類似坊間的龍蝦湯，吉野家的龍蝦湯底質地較稠身，味道尚算濃郁，合格！可惜的是，食客需要加湯時，餐廳只供應普通上湯，沖淡了原本龍蝦的鮮味。

有無得encore？小編下次還是會點回普通的火鍋…

>>>>> 返回主頁