文: 爛玩精

2016.07.09

用 App 睇文

話說今日烈日當空，小編們一行三人到中環海濱率先試玩海賊王水上嘉年華，除了部分攤位遊戲未準備好無得玩外，幾乎要玩都玩過，想知邊條滑梯最刺激?邊個充氣障礙賽最難，即睇以下試玩報告！

香港首個海賊至主題充氣障礙賽

四大充氣障礙賽以四位主角包括：路飛、烏索普、索柏及鐵人芬奇為主題，雖不限時但又熱又晒，萬一假日來大排長龍時，想慢慢玩都有難度。一口氣要成功挑戰四關，秘訣在於平衡力！

收費：周一至日$200(包4區各1次);全日pass可任玩)

年齡限制：12歲以上人士

1. 路飛橡皮槍彈拳頭陣

試玩心得：一定要夠快。只要學路飛向前衝，你就會過到關！

難易度：U(5個U最難)

2. 索柏毛皮強化彈彈球

試玩心得：如果你自問有齊速度、平衡力以及霸氣，你可以選擇超快衝晒四個彈彈球；但若然你只是一個平凡人，逐個逐個跳過去會比較好。不過，彈彈球上保持平衡亦唔容易！

難易度：UUUUU

3. 烏索普旋轉陷阱狙擊陣

試玩心得：呢關難在點樣由轉盤跳上旁邊通道。如果擔心自己彈跳力同平衡力不足，可以學小編咁捉住個通道再爬上去。跳落轉盤時唔需要太擔心，旁邊會有工作人員睇住大家安全。

難易度：UU

4. 芬奇超Super鐵人滑梯

試玩心得：過完三個難關就開心同芬奇瀡滑梯！SU～PER～

難易度：０

兩大消暑滑梯

1.魯賓百花繚亂滑水梯

簡介：長達50米、高9.6米，可供4人同玩

收費：周一至五$40 周六日及公眾假期$60 (全日pass任玩)

試玩心得：滑水天梯有四條滑水道，登頂後就坐水泡瀡落去！喜歡刺激的話仲可以抽住水泡，感受半空飛騰。

好玩度：UUUUU

2.奈美沖天奪寶滑梯

簡介：可供3人同玩

收費：周一至五$150 周六日及公眾假期$200 (全日pass任玩)

參與人士：年滿18歳或以上, 體重需要介乎32 -136Kg之間

試玩心得：刺激首選！滑梯呈90度角，瀡之前唔好望下面，放膽衝落去！如果滑得順利仲會將你整個人拋到半空！

好玩度：UUUUU

7大攤位遊戲及Kids Zone

充氣遊戲未必岩小朋友玩，但場內有7大攤位遊戲及設有Kids Zone比較合家歡。七大攤位遊戲分別有路飛拋草帽、烏索普射擊、奈美導航、魯賓旋轉花、索柏藍波球、芬奇可樂、布魯克音樂遊戲，每次$20。不過有機會贏取One Piece 帽、果實cushion、充氣公仔，搏一搏都抵！

1.路飛拋草帽

玩法: 將4頂路飛草帽掉向指定的架子上，全中得大獎，中1至3頂為細獎。

試玩心得：向上拋物線！

2.奈美飛鏢

玩法: 有4支飛鏢，丟中銅、銀色可得細獎，中金色是大獎。

試玩心得：要大力！

其他攤位等大家再同小編分享吧！

Kids Zone

Kids Zone共四大充氣裝置，各有年齡限制，其中彈彈龍官城連3歲小童都玩得，不過每節限5分鐘，抵唔抵玩就見人見知！

收費：每個每節$40(周一至五);周六日及公眾假期$60

其他小貼士：

- 夏天天氣炎熱，防曬工具唔少得

- 玩障礙賽時由於又跑又跳，所以不適宜穿著拖鞋，運動鞋就岩晒喇

- 兩道滑水梯都會濕身，最好穿泳衣打底，記得帶多套衫褲！

- 玩滑水梯時所有飾物都要除低，貴重財品就唔好帶，或帶個細防水仔裝唔怕唔見

下頁：One Piece海賊王嘉年華 7大限定商品+Tea Set

活動資訊

日期2016年7月8日 - 2016年8月7日
地址中環海濱活動空間
中環中環海濱活動空間
門票基本入場費:$50;全日Pass 周一至五$400; 周六日及公眾假期: $500 (由成人陪同的12歲或以下兒童免費進場);攤位遊戲另收費

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多