正在閱讀
YOHO MALL和風許願陣 必影4米鳥居、5米桃花樹

YOHO MALL和風許願陣 必影4米鳥居、5米桃花樹

2017.01.09

今個農曆新春YOHO MALL為大家帶嚟多個和風裝置,等大家新年齊齊祈願行大運!

場內最矚目一定係五米高嘅桃花願望樹,樹上仲會圍滿小燈泡,閃爆全場。樹中央仲有免費繪馬祈願板提供,係咁靚嘅樹下許願話唔定特別靈!

而隔離嘅4米高大型鳥居亦一樣吸睛,大家不妨畫完繪馬祈願板後穿一穿鳥居,根據日本傳統,只要穿過鳥居,神明就會聽到人們心中的盼求,令願望成真!

新年又點少得風車?場內特設巨型風車陣,大家可以一齊轉過大運!轉完風車仲可以去旁邊嘅愛情太鼓廟,求好段好姻緣!廟屋頂鋪滿桃花,今次仲唔桃花爆登?

另外係1月13日至27日期間,YOHO MALL I及II將會舉辦室內新春年宵,近40檔攤位將會出售多款來自世界各地的應節食品貨品,包括賀年糕點、新春花卉、珍貴海味、特色醬料及傳統地道小食等等,多款貨品仲有期間限定優惠!

商場於今個農曆年亦推出一式四款「福願迎新歲」立體利是封,1月9日起於場內消費滿$500元即可免費換領一套(共八個)。 

 

下篇: 好多萌爆賀年精品!P助、粉紅兔兔新年登陸The ONE 

活動資訊