尖沙咀酒店新推半自助晚餐　$170有找歎主菜+任食海鮮

愈來愈多酒店開始供應半自助餐，自選一款主菜，兼任食其他食品如海鮮、沙律、甜品，對胃口不算大而又想食buffet的朋友來說，比較划算。 

尖沙咀香港百樂酒店亦即將加入陣營，推出半自助午餐及晚餐，晚市每位$170有找，已可歎盡主菜和任食海鮮！

【最新情報】$5隻熱狗任加醬！銅鑼灣hmv開小食檔

【最新情報】元朗Yoho Mall I 7月開幕！一田百老匯進駐

【最新情報】香港太空館天象廳新節目 $24睇冰島極光

半自助餐由5月28日起於酒店宴會廳供應，自助吧前菜包含一系列沙律菜、中西式餐湯、薄餅、壽司及飯卷，晚市更有意大利火腿配蜜瓜、雜錦凍肉拼盤、牛油果藜麥蟹肉沙律、黑松露蟹肉釀迷你雞蛋和黑魚籽鵝肝醬多士等等，另有4款海鮮選擇如海蝦、翡翠螺、花螺和紐西蘭藍青口。

甜品方面，除了酒店皇牌即製梳乎厘和心太軟外，還有芒果拿破崙、白桃蛋糕、藍莓法式燉蛋和窩夫等等，款式豐富。

享用以上任食自助吧，每位只需$178起。晚市另加$60起更可追加一份主菜，較平的有海鮮意粉；想食得豐富一點的話，可選擇肉扒和海鮮大餐，推介主菜如下：

1. 香煎美國肉眼扒配牛肝菌忌廉汁（加$110）

2. 鐵板龍蝦伴扇貝配牛肝菌芝士汁（加$130）

3. 香煎三文魚柳配香草忌廉汁（加$80）

半自助餐本身不包含生蠔，蠔迷想食，只要加多$88，即可在紐西蘭生蠔（6隻）、蒜蓉煙肉焗蠔（6隻）或芝士白汁莧菜焗蠔（6隻）三款之一，任選其中一款。

供應期至7月，最近去尖沙咀想食西餐，不妨考慮一下！

各時段參考收費：

1. 半自助午餐

星期一至五$118/ 星期六至日及公眾假期$128

2. 海鮮半自助晚餐

星期一至五$178/ 星期六至日及公眾假期$188

*追加主菜價錢：午市由$30起；晚市由$60起 

**只要讚好香港百樂酒店的>>Facebook專頁<<，即可下載優惠券，以7折價享用半自助午餐和海鮮半自助晚餐，有效期由5月28日至6月30日為止。

**另收加一（以原價計算）

【精選推介】吃貨出動！荃灣6大美食清單

【精選推介】周末單車遊新界：5條單車路徑推介

【精選推介】17個壽星仔女著數！5月生日優惠 

【精選推介】2018公眾假期+請假攻略 打工仔請3放10