坊間不少食店都有推出任食放題，最近又有一家食店推出以任食串燒為主打的放題，小編一於率先為大家試試是否抵食？
位於黃大仙的農埸火鍋專門店，繼推出$28/位的雞煲放題後，由即日起至9月30日，推出任食75分鐘的串燒放題，收取加一服務費及$10醬油費後，平日每位約$75，單看價錢計落都算抵食。而星期五至日、公眾假期及其前夕，需另收附加費每位$20，即每位約$86。
放題提供7款醬汁，包括沙嗲醬、泰式甜酸醬、蒲燒醬汁、秘製麻辣醬汁、沙律醬、黑椒汁及茄汁，食客可以按喜好調出不同味道。
小編推薦沙爹醬、泰式甜酸醬及黑椒汁，配搭肉類串燒夠惹味，麻辣醬汁的香度十足，愛吃辣的朋友亦可以一試。
放題任食食品的選擇不多，合共9款串燒及炸物，而「食肉獸」最愛的肉類串燒共有5款，包括牛肉串、紐西蘭羊肉串、豬肉串、雞肉串及蒜香大雞鎚。
肉類串燒的孜然味道重，當中雞肉串燒的肉味最香濃，肉質不會過韌，配搭沙嗲醬及泰式甜酸醬變身東南亞風味，份外惹味；羊肉串及豬肉串則普普通通，與一般串燒店的質素相類似。
牛肉串的肉質則過腍，欠缺彈性，食落似沙嗲牛肉麵中的牛肉，似是添加過多鬆肉粉，略為失色；而蒜香大雞鎚食落不算太嚡口，但肉質偏乾身，蒜香味偏淡。
除此之外，另有黑松露炸薯條、紫薯餅、粟米薯餅及咖哩薯餅等4款炸物。
薯餅表層的炸粉不算太厚，紫薯餅內有滿滿深紫色紫薯餡料，軟綿綿，紫薯味濃；粟米薯餅夾有栗米粒作餡料，宜配搭沙律醬享用。
炸薯條表面灑滿黑松露粉，散發出陣陣黑松露香味，但食落味道卻偏淡。
任食串燒放題供應時間為5pm至3am，店舖營業至凌晨時段，非常方便夜貓們及上班族放工後來食宵夜。由於店內的人手不多，放題的上菜速度偏慢，而且不包括飲品，需額外收費，有可能食得不夠盡興。
另外要留意，優惠須以電話預訂，店員會向客人whatsapp訂枱編號發資料，確認後方可享有此優惠，所以食之前記得要打電話訂位。
活動資訊
- 日期2017年8月7日 - 2017年9月30日
- 地址 黃大仙飛鳳街46號地鋪
- Whatsapp訂座5931-2448
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
