荔枝角市集情人節主題 分手展覽/十萬個激嬲女友的理由展覽
下星期就到情人節！潮蒲饒館和山野市集合作，以「花開花落有時 • 賞花惜花及時」為題，於2月10至11日舉行情人節活動，包括手作市集、「分手展覽」、「十萬個激嬲女友的理由」展覽、電影放映會、菲林攝影導賞團及工作坊等，當中不少活動都圍繞愛情，可以當拍拖活動同另一半去玩，就算無拖拍或啱啱甩拖的單身狗都不怕，一樣可以約閨密去行下～
情人節主題的《LIFE Mart X 山野市集 • 情人節市集》將在2月10至11日1pm至8pm，於潮蒲饒館戶外園區及D2 Place One 2樓The Space兩地同時舉行，有共120個手作攤檔參與，最啱周末慢慢行。
數到多個活動中最特別的，就是「失戀」的活動。在潮蒲饒館舉行的「分手展覽 Ex-hibition」，以「以單身一個人也好好」為題，將會展出參早前公開收集的「前度物品」並附有一個故事牌作介紹，幫失戀者放下已經過期的愛情。場內設有留言牆，可以將自己的感受或故事分享給其他參觀者。
除了失戀之外，熱戀期的各位難免都會嗌交，而理由亦層出不窮。今次LIFE Mart仲特別邀請到《十萬個激嬲女友的理由》，於D2 Place ONE 2樓 THE SPACE舉行展覽，將各式女友發嬲的理由展出之外，仲邀請一班本地插畫師及攝影師，包括eungDraw 啊羊繪記、C.PIC_、Blackcred、亞囉哈滑沙、死肥仔 4FatJai、99mean等，將理生動展現。現場仲有展覽限定明信片出售及大型投稿區，將各種理由同大家分享。
愛情當然少不了「暗戀」，場內將在2月10日7pm舉行神秘電影放映會，在開場前不會知道甚麼電影，就是就如同愛情一樣開始前，永不知道結局。大會只留下是有關暗戀的電影，有興趣的話可於網上報名，每人收費為$50，詳情可瀏覽潮蒲饒館官網。
活動仲有8個工作坊推出，有木封面線裝手造書、濃情朱古力球製作工作坊、拇指琴樂器製作、情人節剪紙、草織玫瑰花、情深花語曲奇等。各工作坊收費及舉行日期有所不同，需預先報名，詳情可瀏覽潮蒲饒館官網。
另外有推出菲林攝影導賞團，可以著C41菲林相機於饒宗頤文化館至D2 PLACE中遊走，學習基本的菲林攝影手法和技巧，每位收費為$180，詳情可瀏覽潮蒲饒館官網。
資料來源：潮蒲饒館官網、FB@LIFE Mart 手作市集
【精選推介】
活動資訊
- 日期2018年2月10日 - 2018年2月11日 1pm-8pm
- 地址 潮蒲饒館/D2 Place One 2樓The Space
- 人均消費免費
-
深圳攻略
深圳必試💯 | 口味多到眼花撩亂🤤
深圳嘅bagel界話晒都要提一提呢間出名嘅Begl 🥯💛 口味選擇超多,每個都想試~bagel本身幾有咬口,好滿足! 我自己最鍾意嘅係蒜蓉奶油bagel🧄+藍莓芝士忌廉bagel🫐🧀,一鹹一甜,完美平衡😋 #深圳美食#Begl#bagellover#深圳打卡#社群共創攻略#深圳cafe推介#深圳美食#深圳攻略#UCreator#深圳探店#深圳打卡#深圳新店
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
-
著數報料
零食物語
著數報料🛍️😍 買一包送一盒檸檬茶
非廣告自費自費！ 超級抵呀買一包卡樂b，送一盒檸檬茶 平時都超級鍾意食呢一款 有機會經過零食物語可以睇下 {{hket:campaign display="法式科學護膚"}}{{/hket:campaign}} #ucreator#港玩港食#香港美食
閱讀更多
港生活人氣好去處
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
【小小KOL招募中‼️】解鎖無限親子體驗，好物／好去處搶先試！
假日好去處