正在閱讀
銅鑼灣展覽免費睇!著古裝影相 老師傅60年人手製粵劇帽飾

銅鑼灣展覽免費睇!著古裝影相 老師傅60年人手製粵劇帽飾

2018.02.01

粵劇戲曲相信年輕人較少接觸,但香港仍有一群默默為粵劇表演付出的人。銅鑼灣時代廣場最近與戲曲帽飾工藝大師陳國源合作,於2月3日至3月4日期間,在露天廣場推出「金冠銀冕華麗緣 - 陳國源60載帽飾藝術」展覽,展出逾40款傳統粵劇帽飾,令大眾更了解本地的手工技藝,行完展覽仲可以換上古裝和頭飾影相打卡,有興趣可以去睇下~  

戲曲帽飾工藝大師陳國源,從事粵劇帽飾製作超過60年,由設計、購料、組裝都全人手製作,以一針一線、一珠一扣將帽飾完成,手藝超凡。

場內展出逾40款帽飾,有冠、冕、巾、盔等種類,傳統粵劇戲曲中各個角色都有所屬的帽飾,例如皇帝和皇后的皇帽和后冠。

 

皇后和妃嬪的禮冠都相當講究,有多款鳳冠及冠髻,款式華麗。

 

皇帝及神仙所戴的平天冠都有展出,長方形平板前的白玉珠裝飾,製作得很精緻。

 場內仲有播放紀錄短片,介紹帽飾的製作過程。欣賞完帽飾後,展覽仲有影相區,可以換上古裝和頭飾,在古代場景內影相打卡。

周末經過不妨去睇下!

【精選推介】 

1月生日優惠!16個免費自助餐/酒店住宿/門票戲飛

屯門掃街6大美食 生炸雞槌+梳乎厘+粒粒芋頭西米露

尖沙咀放題新店8大亮點 送龍蝦/刺身/即開生蠔

元朗20萬呎免入場費農場!即摘即食日本士多啤梨

活動資訊

  • 開放日期 2018年2月3日 - 3月4日 10am-10pm
  • 地點 銅鑼灣時代廣場露天廣場