香港創意產業優勢
成日聽人講香港創意產業有優勢，其實大家知唔知我地除咗有好多出色的創意人才之外，有能力舉辦國際級創意盛事都係我們嘅優勢之一？好似上年十月由香港特別行政區政府「創意香港」贊助嘅「JUXTAPOSED Fashion x Music 2017」，一次過集齊咗80名本地著名同年輕時裝設計師，聯同七組本地及海外歌手/組合，一齊搞咗場時裝crossover音樂嘅匯演。「創意香港」已經將「JUXTAPOSED Fashion x Music 2017」活動當日嘅精華片段放咗上佢地嘅YouTube Channel，俾大家重溫，睇完之後，大家不妨Click埋入去睇埋其他短片，包括唔同創意界別嘅大師同新晉創作人嘅分享，佢地會講下點睇香港創意產業，或者係「創意香港」主辦或資助嘅人才培育計劃，點樣幫到佢地。我哋揀咗其中3條短片，話唔定會幫到大家實踐你嘅創意夢想！
1. 聽大師分享 發揮香港創意
「創意香港」之前搵咗9位大師分享佢哋對本地創意產業的看法，電影界有導演徐克、許鞍華，唱片界有譚詠麟，漫畫界有黃玉郎，設計界有靳埭強、劉小康同珠寶設計師羅啟妍等，佢地分享咗點睇香港創意產業。香港人緊係撐香港嘅創意產業！
人稱靳叔的靳埭強博士，將香港的設計帶上國際舞台。他在短片中提到創作人要與國際的新思潮融和，以創作優秀的設計作品。
徐克導演於去年獲頒亞洲電影大獎終身成就獎。他接受「創意香港」訪問時指出，如果拍好武俠片的話，等於將中國電影拍好。
漫畫大師黃玉郎認為，中國幾千年文化及武俠文化有助香港漫畫家發揮創意。
2. 新晉創作人 如何踏出第一步
「創意香港」多年來推出或資助專為不同創意界別而設嘅培育及支援計劃，由設計、動畫、廣告製作，到電影，及最新推出的「時裝培育計劃」，受惠嘅創作人好多已經有唔錯嘅成績，好似《點五步》嘅陳志發同《一念無明》嘅黃進，當年都係因為喺「首部劇情電影計劃」嘅選拔賽贏咗，先至有機會拍自己第一部劇情片。「創意香港」嘅「撐‧你想」短片系列，當年都訪問過佢地，仲有參加過「設計創業培育計劃」、「動畫支援計劃」同埋「微電影『創+作』支援計劃(音樂篇)」嘅設計師、動畫師同廣告導演等等，佢地分享返由第一步開始所經歷過的高低起伏，點樣一步步實踐心中理想。而唯一一位喺「香港亞洲流行音樂節」(HKAMF)攞過「亞洲超級新星大獎」嘅香港歌手J.Arie雷琛瑜，都同洪杰、馮允謙、羅孝勇分別講下當年以香港新晉歌手身份，參加HKAMF嘅感受，希望大家稍後3月23日無論喺現場或電視機前睇今年HKAMF時，支持其他國家或地區嘅歌手之餘，都要記得撐香港歌手！
2018年「香港亞洲流行音樂節」將於3月23日舉行。重溫J.Aire 2014年贏到「亞洲超級新星大獎」時的片段，發現J.Aire在音樂路上成熟了不少，更參與了多部電影的演出，似乎不讓「大師兄」陳偉霆(代表香港參加第一屆「亞洲超級新星大獎」)專美。
「創意香港」資助的「設計創業培育計劃」，成功培育不少本地設計師，開展自己的事業。短片中訪問了兩位香港新晉設計師—Mandy 及Monica，她們分別從事motion graphic及瓷器設計，在香港都不算是最熱門的設計專業，但她們透過自身努力，加上「設計創業培育計劃」的支援，現時生意已上軌道。
新晉導演黃進當年憑著《一念無明》的劇本，與《點五步》的陳志發，雙雙成為第一屆「首部劇情片計劃」大專組的得獎者，並獲資助拍攝他們人生第一部劇情片，結果一鳴驚人！當年在專業組勝出的是《藍天白雲》的張經緯，《藍天白雲》在第37屆香港電影金像獎中，獲「最佳編劇」、「最佳女配角」及「最佳新演員」等提名，成績同樣驕人。大家在「創意香港」的「撐‧你想」短片系列，可以重溫三位導演的訪問，了解到「首部劇情片計劃」不單為這些新晉導演提供拍攝資金，更會教他們如何克服拍攝及後期製作時的問題。不說大家可能不知道，香港電影金像獎其實也是「創意香港」贊助的；今屆頒獎禮已定於4月15日舉行。
3. Bookmark精選 主要嘅贊助項目一次過睇哂
「創意香港」主辦或且贊助不同類型嘅項目，由大型年度活動「設計營商周」及「香港影視娛樂博覽」，到專為設計及電影界而設嘅培育計劃--「設計創業培育計劃」及「首部劇情電影計劃」，到喺尖沙咀九龍公園及灣仔金紫荊廣場旁邊分別設立「香港漫畫星光大道」及「香港動漫海濱樂園」，展示香港漫畫角色嘅彩繪雕塑，受惠對象極之多元化。想知多啲就要睇下「香港‧創意產業」嘅精華片段喇！
對各位設計師嚟講，相信對一年一度喺PMQ元創方舉行嘅deTour唔會感到陌生，每年大約11月底就會有唔同嘅設計項目展出，提供一個平台俾設計師同公眾交流。
為促進香港時裝業發展，政府喺2015年宣布以先導形式推行一系列措施，其中包括由香港貿易發展局喺每年9 月舉辦嘅CENTRESTAGE。佢係一個時裝品牌推廣和發佈平台，「創意香港」會因應業界需要，資助業界喺CENTRESTAGE期間舉辦活動。
另外一項獲「創意香港」資助嘅時裝業相關項目，係香港設計中心喺每年12月初舉行嘅Fashion Asia Hong Kong，佢嘅其中一項重要活動係亞洲時裝商業論壇，聚集時裝創意範疇嘅領袖、知名品牌設計師、買手，以及國際傳媒等，共同探討時裝業嘅變革。適逢政府宣布計劃喺深水埗區建立設計及時裝基地，香港時裝業應該會愈做愈好。
資料由客戶提供
港生活人氣好去處
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【免費試用🎁】RMK零毛孔素肌底妝系列！
↓☀️夏日必備防曬霜 x 皇牌輕透粉底液！↓
