澳門卜卜蜆可能有不少朋友仔試過，其實香港一樣有抵食卜卜蜆！火鍋店「好滾得」灣仔店，近日推出新張優惠，$28/位就可以任食卜卜蜆鍋，不限人數，一位都食得，魚湯湯底配上新鮮卜卜蜆，十分清甜，海鮮迷可以約埋朋友去試！另外，「好滾得」亦推出了「菊花爛」豬肉丸，有50萬-60萬辣度，挑戰者3分鐘內食完，可獲$5000現金，有無人敢挑戰？
火鍋專門店「好滾得」在灣仔開新分店，推出新店限定$28任食卜卜蜆鍋優惠~
只要於星期一至日晚市點$60或以上的火鍋配料/小食(每位計)，就可以優惠價$28/位任食卜卜蜆，限時45分鐘，其後可以繼續點菜但不會再免費加添卜卜蜆，想試記得預先訂座。
卜卜蜆湯底以魚湯熬煮而成，清甜之餘又帶有惹味蒜香，加上鮮味卜卜蜆，食唔停口！
蜆肉無沙，十分鮮甜，抵食。
「好滾得」同時亦推出數款新菜式，包括羔丸、蟹肉水餃及黃金咸蛋系列小食。
蟹膏丸 $88半份/ $168全份，新鮮每日即拆膏蟹蟹膏，冷藏後再釀入手打丸中。
手打丸彈牙有口感，不過蟹膏味道唔算太濃。
蟹肉水餃 $78 半份/ $138 全份，每日新鮮即製，釀入膏蟹蟹肉。
水餃啖啖蟹肉，而且有3隻蝦，夠哂足料。
黃金炸響鈴 $78，自家製炸響鈴，十分鬆脆，炸好後再加入鹹蛋黃炒勻。
金黃色外表好吸引！直接當小食都得~
黃金豆腐$78｜黃金炸軟殼蟹 $98，鹹蛋黃味道不突出，而且比較油膩，建議不用點。
新分店新增魔鬼雙辣挑戰，魔鬼雙辣即是魔鬼辣蟹煲 + 菊花爛肉丸$398，凡叫魔鬼雙辣，即可有資格挑機。
菊花爛肉丸 $68(單點)，混合了墨西哥、印度等最辣的辣椒，粗略估計有50萬-60萬辣度。
限時3分鐘，完成「菊花爛」豬肉丸(不包括蟹煲)，勝出可獲$5000現金，參加者事前要簽署生死狀，目前有2位食客成功挑戰。
所有消費另收茶芥及加一。
【精選推介】
活動資訊
- 地址 灣仔克街9-13號地舖
- 人均消費$51 - $100
- 開放時間星期一至五及公眾假期前夕 12:30 - 00:30 星期六、日及公眾假期 18:00 - 01:30
- 電話64641626
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【U Jetso】Mother Pearl圓貝健康好味便攜輕食！↓
↓ 方便又健康好味！多款口味可供選擇！ ↓
