深水埗美食之選!江若琳皇后湯麵/限量口味芋圓/抵食海南雞

文: TenTen
2018.05.09

深水埗除了出名買電子產品、電腦配件外,有好多街坊食店都受到好評,今次小編集齊了以下5間餐廳/小食店,食勻地道小食、川菜、上海菜、海南雞以及限定口味芋圓等,跟著清單逐個試!

1. 堅信號 - 正宗上海生煎皇后麵館

由江若琳和未婚夫Oscar主理的「正宗上海生煎皇后麵館」,主打麵食和餃子,質素相當不錯。

 

招牌皇后湯麵($60)有花膠、香橙豬軟骨、冬菇、蓮藕以及秋葵等配料,湯底用上雞肉、雞腳和豬骨熬煮而成,麵條食落有咬口,加入辣菜脯更惹味。

 

招牌五色水餃($48)分別是「菠菜汁皮素菜冬菇粒」、「紅菜頭汁皮蝦肉芝士餡」、「墨魚汁皮黑松露豬肉」、「蛋皮豬肉冬菇木耳餡」及「原味豬肉餡」,餃子皮薄餡靚。

 

火焰芝士吉列豬扒($38)芝士燒到半溶,食落更香口。

 

招牌炸鍋貼($30/4隻)非常香脆,一咬即有肉汁流出,蘸上沙律醬可減低油膩感。

 

鮮茄濃湯炒蛋湯麵($42)蕃茄味濃郁,炒蛋香滑。

 

推介飲品黑糖珍珠奶茶($22/冷)、黑糖珍珠低糖豆漿($22/冷),珍珠煙韌、低糖豆漿微甜有淡淡豆香。

 

地址:深水埗福榮街64號地舖

>>詳情<<

2. 山城小麵

嗜辣的朋友有口福,重慶地道小食全由來自四川的老闆娘主理,其家人均於成都重慶開設川菜館,保證味道正宗。

各款麵食如燃情刀削麵($26)、正宗酸辣粉($26)、麻辣雞絲涼麵($26)等等,$30有找就有一大碗,幾抵食。

 

刀削麵和酸辣粉本身不跟餸菜,只配青菜和肉碎;加配滷蛋、炸醬、肥腸(豬大腸)、雞翼等,每款加$5-$8不等。

 

「燃情」其實指刀削麵的香辣程度,共分4款辣度,集合多款辣椒及其他香料,令食客的舌頭「燃」起來。

 

小食推介老麻紅油抄手($26/6粒)、口水雞翼($24)、蒜泥白肉($24);抄手用純新鮮豬肉包製、雞翼則切成單骨,方便食用,拌上辣油很惹味。

 

食完辣,不妨食碗涼浸浸的紅糖冰粉($10)解一解辣,啫喱狀的冰粉以植物種子製成,加上山楂乾、提子乾、糖水,酸甜醒胃。

地址:太子大埔道70號太子中心地下2B號舖 

>>詳情<<

3. 水門泰式海南雞飯專門店

主打的海南雞飯$22起有交易,啱哂長期糧尾的朋友!

每碗有3隻雞翼及去骨翼髀肉,比想像中多餸,雞翼都頗大隻,肉質嫩滑。

 

海南雞飯$30(轉雞腿加$5),以胸肉為主,雞胸肉不怕「嚡口」。

 

油飯份量多,醬汁濃味微辣,蘸少少更惹味。

 

每個飯配有一碗無添加雞湯,單點$8。雞湯熬足一晚,十分清甜。

 

另有特式雞飯卷$18,放入海南雞飯的配料,雖然雞肉比例不多,但口感夠豐富,預先加入了醬汁所以帶微辣。

 

青檸梳打$8,有大大樽singha soda water配青檸底,解渴一流!

地址:深水埗欽州街37號西九龍中心8樓美食廣場55號舖

>>詳情<< 

4. 士叻哥

售有手打牛丸、栥飯等多款小食,其中雞蛋仔最受歡迎,每日平均售出150至200底。

 

雞蛋仔每日下午12時半後供應,有多款餡料如朱古力夾心、香蕉夾心、餐肉、肉鬆及鹹蛋黃,每款$17、雙拼$20;特濃芝士味雞蛋仔$20、原味雞蛋仔$12。

 

「黃金餐肉雞蛋仔」意指鹹蛋黃配搭午餐肉粒,兩款鹹食非常夾。

 

「香蕉朱古力雞蛋仔」同樣是人氣之選,每粒雞蛋仔都食到香蕉同濃郁朱古力,想食甜味雞蛋仔的朋友不要錯過。

 

「蟹柳雞蛋仔」本身味道不太出,但與雞蛋仔口感夠夾,建議可與芝士或鹹蛋黃雙拼。

 

「手打牛丸」($13)一份有三粒,取貨自老字號福合埕,主打用上純牛製造,而且全手打,所以非常爽口多汁,牛味濃郁。

 

地址:長沙灣道262號

>>詳情<<

5. 三點十五分(全為你小食店)

原先為網店,由一對90後小情侶經營,不定時每個月有幾天在深水埗的小店售賣甜品。

 

椰汁西米露加芋圓($30)有芋圓、紫薯圓、栗子圓和綠豆圓4款口味,栗子圓和綠豆圓都是較少見的口味,而栗子圓更是期間限定~

  

爆餡脆皮吉士泡芙($22,買五送一)外層脆卜卜,內裡的香甜吉士餡多得快要滿瀉。

 

爆餡脆皮Oreo泡芙($22,買五送一)意想不到Oreo味道與泡芙也很夾。

 

卡通蛋白餅($12/兩件)造型可愛,不像坊間其他蛋白餅般甜膩。

 

狗狗朱古力冬甩蛋糕($118/9件)蛋糕鬆軟,配上朱古力醬,簡直是perfect match~

 

麥提莎朱古力糯米糍($22/8粒,不設混款)外皮不會太厚,口感煙韌,而麥提莎依然香脆,食落層次豐富。

 

注意小店不是每日都賣甜品,每個月會不定期開舖2至3天,確實日期會在店舖Instagram內公佈。平時大家亦可落order後再約交收,詳情可聯絡店主。

地址:西九龍中心8樓60號鋪(全為你小食店) 

>>詳情<<

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓