【灣仔美食】築地推生蠔放題 $188任食手掌大岩蠔
去到築地‧山貴水產市場，除了食鮮美刺身，仲可以任食生蠔。餐廳即日起推出岩蠔放題，每人惠顧滿$200或以上，就可以加$188升級「超蠔盛宴」，今個夏天想豪飲「蠔」食要記得早一日致電預約喇！
「超蠔盛宴」推廣期為5月16日至6月30日，全日任何時段適用。
放題選用北海道岩蠔，每隻都接近手掌大小。主廚會加秘製酸汁、辣蘿蔔蓉、香蔥調味，減輕膩感，食多幾隻都唔怕。
只想嚐鮮也可以用單價$38享用一隻岩蠔；當然$188的岩蠔放題就抵得多，只要吃夠6隻即可以回本。
放題優惠價只適用於人均消費$200或以上，通常叫兩至三樣食品或飲品就可以達標。
一人前可以選擇壽司盛(五件/$98)、雞翼串燒($28)、梅酒Set($98)，合共$224。
壽司盛有5款壽司，包括帆立貝、吞拿魚腩、赤貝。
雞翼串燒份量不多，一個人吃剛好。
梅酒Set含5杯梅酒，可以自選口味。餐廳提供10款梅酒，如梅古酒、綠茶梅酒、草莓梅酒等。
二人前可以選擇山貴刺身拼盤($268)、串燒拼盤($78)、梅酒Set($98)，合共$444。
山貴刺身拼盤有吞拿魚腩、帆立貝、海膽等共5款刺身。
串燒拼盤則有雞翼、秋葵、牛粒串等。
如有意享用超蠔盛宴，記得早一日致電餐廳預約。
*另收加一服務費
港生活限時優惠情報
【請您睇優先場🎞️】《電影多啦A夢：大雄之繪畫世界物語》
↓ 簡單一步，免費入場🙌↓
↓【限時搶⚡】賞您日本Flo(a)tus超跣水防風長雨傘↓
↓超跣水技術｜防風、防紫外線功能↓
