經過了個多月來的投票，2018 Sanrio人物大賞的最終賽果終於在7月1日正式公佈，今次賽果除了有國際區總排名之外，亦有各城市總排名，國際區排名亦算是預料之內，由玉桂狗連任冠軍，布甸狗屈居第二，不過香港區第一名唔係大熱的玉桂狗、布甸狗，由AP鴨勇奪第一，即刻睇睇各區賽果啦！
Sanrio人物大賞的最終結果於7月1日正式公佈，即刻睇睇2018 Sanrio人物大賞各個角色的排名啦！
首日票數
Sanrio在投票開始的第二日公佈了首日的票數，頭三名分別是玉桂狗、布甸狗和Hello Kitty三個人氣角色。
型格造型的YOSHIKITTY、My Melody、PC狗、Little Twin Stars和蛋黃哥緊隨其後。
中期賽果
而5月尾的時候公佈的中期賽果國際區第一、二名仍然是玉桂狗和布甸狗，不過第三名就變成YOSHIKITTY，而Hello Kitty失落第三名跌至第五名。
而香港區的中期賽果就大爆冷，由AP鴨（Ahiru no Pekkle）得到第一名，第二名和第三名就分別是布甸狗和玉桂狗！
另外，2009年登場的YOSHIKITTY今次中期賽果在中國、韓國、意大利、德國、法國都得到第一名，在國際亦是三名以內，可以說是後起之秀，不容忽視！
睇埋香港附近地區的中期賽果！
台灣區頭三名分別是布甸狗、玉桂狗和Hello Kitty。
而中國區就分別由YOSHIKITTY、布甸狗、玉桂狗得到頭三位。
韓國賽果有小小不同，頭三名分別是YOSHIKITTY、蛋黃哥和Kuromi～
最終排名
今屆Sanrio人物大賞總投票接近500萬，最終國際區由玉桂狗以520,224票連任冠軍，布甸狗（500,188票）屈居第二，緊接有Yoshikitty（465,907票），當中玉桂狗和布甸狗票數都相當接近！
而AP鴨就勇奪香港區第一名，蛋黃哥和布甸狗緊接其後。
睇埋香港附近地區的最終賽果！
台灣區頭三名分別是蛋黃哥、布甸狗和玉桂狗。
而中國區就分別由YOSHIKITTY、布甸狗、玉桂狗得到頭三位。
韓國賽果有小小不同，頭三名分別是蛋黃哥、YOSHIKITTY、Kuromi～
各位粉絲滿意今屆賽果嗎？
圖片來源：sanriocharacterranking/fb@sanrio
活動資訊
- 地址 2018年度Sanrio人物大賞日本官網
」，
App內睇文同睇片可隨時捕捉U Fun彩蛋，
換領現金券及禮品！
↓【送飛🎟️】「領展香港高爾夫球公開賽」四天入場證100張！↓
↓11月21至24日免費睇比賽！超多娛樂活動😍按摩、紋身、高爾夫體驗區！↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
