不少歷史建築都經保育變成新地標，而一向多工廠的荃灣，最近就有間舊紗廠進行保育計劃，變身成文化藝術館。南豐紗廠保留了工廠外貌，變成六廠紡織文化藝術館（CHAT 六廠），更舉行「盛夏手作：來建紡織村」活動，有展覽、每日工作坊及週末限定工作坊、藝術家講堂、電影放映、分享會及互動體驗活動。好啱周末同朋友仔一齊去玩！
南豐紗廠外牆仍然保留原有外觀。
紗廠大堂環境廣闊，雖然加入了新元素，但大堂當中仍保留了不少舊紗廠的物件，仲附有歷史簡介，可以一邊欣賞一邊上返堂歷史課！
為期3星期的「盛夏手作：來建紡織村」活動，位於CHAT六廠的2樓，邀請到共十多位本地及海外藝術家參與，有展覽欣賞外，仲有得親身體驗落手一齊整！
當中最特別的展覽，就是由日本藝術家田口行弘創作的紡織龍。
火龍由回收布及竹架組成，全場35米，每一個部分都做得相當仔細。
觀眾內仲有得一齊落手參與製作火龍，繼續織出龍身，費用全免，有興趣可以試試！
另一邊「紡織村廣場」展覽，就有得欣賞到本地紡織歷史，大型機器都有展出。
仲有得walk-in參加《刺繡花園工作坊》，用回收布整出小刺繡。
場內仲有設計特別的刺繡教學提供，新手都不用怕！
另有紀念品工作坊，可以體驗剪裁、車縫及木版印刷，自製出Cushion或布袋。
在走廊上仲有多個由本地藝術團體參展的「紡織村屋」，各個都有互動體驗活動及週末限定工作坊舉行。當中最吸睛的就是巨人染的「藍染洞穴」。
走入洞穴仲有得動手體驗藍染過程，周末仲有藍染手織籃工作坊。
以回收布製成的巨大布條小屋一樣特別，軟綿綿布座椅仲真係坐得！
一樣可以落手體驗整捲布條的過程。
呢間村屋可以認識到剩食染料的製作，仲可以試試為布料上色。
以白雲和草地等大自然設計的村屋，就以復古民間手藝紡線為主，大家同樣可以體驗製作過程。
各個村屋都有「週末限定工作坊」，包括：天然染料布藝、親子拼布、織織木凳、紡紗 x 編織小品、藍染手織籃等等，詳情可瀏覽CHAT by MILL6 Foundation - CHAT 六廠 Facebook專頁。
場內仲有興紡織相關的圖書角，活動仲會有藝術家講座、電影放映、分享會。
仲有得買紀念品帶返屋企。
一於趁周末放假去玩啦！
活動資訊
- 日期2018年7月29日 - 2018年8月19日
- 地址 香港荃灣白田壩街45 號南豐紗廠 六廠紡織文化藝術館（CHAT六廠）
- 人均消費免費
- 開放時間11am-7pm（星期三至日）
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
