【聖誕節2018】粉色嘉年華樂園登陸將軍澳新都城 馬卡龍摩天輪/霓虹燈旋轉木馬
新都城中心最近舉辦被台灣女仔稱為「拍到手機沒電」的色廊展，商場展出3大區域，包括有夢幻少女的粉紅區、港式茶餐廳主題的藍綠色區同台式早餐店主題的黃色區，有10多個影相位。當中仲有巨型馬卡龍摩天輪、粉色旋轉木馬、霓虹燈茶壺等等，大家可以同閨密朋友一齊影靚相，留低美好回憶。
夢幻粉紅色區以樂園為主題，有場內中央有個大型馬卡龍摩天輪，仲有好多甜品裝飾，非常吸睛。
仲有霓虹燈旋轉木馬同大型茶壺茶杯俾大家影靚相，大家仲可以在茶壺中嘗試做歌手錄音的滋味。
當然仲有其他粉嫩色的主題裝置俾大家任影。
除了粉紅色區之外，大家仲可以去埋藍綠色同黃色區影相，區域的主題為港式茶餐廳同台式早餐店。
現場有港式蛋撻店、冰室等影相位。
仲有麵包、蛋撻茶杯為道具，場景迫真。
亦有富茶餐廳特色的霓虹燈招牌，十分搶眼。
黃色區亦有多個搶眼影相位。
大家可以扮在早餐店食嘢影相。
影完相仲可以參加埋工作坊，學整發光摩天輪同畫雲石畫，在商場消費滿$350可以參加1次架啦。
有興趣的朋友仔記得Mark實時間去影靚相啦！
活動資訊
- 日期2018年11月2日 - 2019年1月2日
- 地址 MCP新都城中心
- 人均消費免費
港生活人氣好去處
↓ 賞您香港書展2025電子門票📖 ↓
↓ 同一門票可入埋「零食世界」及「香港運動消閒博覽」↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
