全球十大最具影響力攝影大師訪港 分享人像攝影心得

文: Mo Mo
2018.11.30

時下婚禮愈搞愈講究,婚攝要求自然都愈嚟愈高,Canon早前搞咗場婚攝分享會,邀請得被同輩公認為全球十大最具影響力嘅神級婚禮及人像攝影師Roberto Valenzuela專程由美國嚟香港,同兩位本地著名攝影師Ming Chan和Lawrence Tsang交流婚攝心得,三位仲分享最新EOS R相機同RF鏡頭嘅實戰感受,各位參加者真係好似上咗堂攝影精讀班咁滿足!

呢場活動最精彩嘅環節,莫過於可以聽到三位風格、個性唔同嘅攝影大師嘅實戰分享。Roberto打嚮頭炮,率先上場,拎出初學攝影嘅作品,望住以前構圖、光線古怪嘅相,佢都忍唔住自嘲。原來Roberto入行經過好得意,佢以前係古典吉他手,又喺中學教資優學生商業及經濟相關科目,「當年美國政府要求學生模擬搞一盤生意,我嘅學生揀咗搞一間攝影公司。」呢次經驗竟然啟發咗佢對攝影嘅興趣,後來仲辭埋工,投身攝影行業。經過十三年奮鬥,Roberto已經被同輩公認為全球十大最具影響力攝影師,喺婚攝界更係炙手可熱。

美國著名婚禮及人像攝影師Roberto Valenzuela在THE EOS R CREATORS WORKSHOP專業婚攝影像方案分享會暢談婚攝心得。

Roberto話婚禮聽落大同小異,但其實比起其他攝影類型,婚攝既複雜又好玩,「婚攝充滿挑戰,我鍾意充滿挑戰嘅工作。首先,新人唔係明星、模特兒,你要花心機指導佢哋擺甫士,此外,現場環境好多時好混亂,一邊有人大叫,另一邊又有人喊,千奇百趣,係一遍凌亂中拍到靚相,絕對係一件滿足感滿瀉嘅事!」Ming Chan同Lawrence Tsang好認同呢點,佢哋覺得婚攝其實包含好多攝影類型,一啲都唔悶,Lawrence話:「捕捉真情流露一刻就好似街拍,拍攝新人就係人像攝影。」

要成為獨當一面嘅婚攝攝影師,Ming覺得技術好並唔足夠,仲要配合攝影師嘅soft skills,「攝影師臨場要觀察環境,同在場嘅人溝通,即時作出反應,控制場面,咁樣你先有機會影到與別不同嘅相。」Roberto話成功無秘技,不外乎勤力,時至今日佢堅持定時練習,「有好多攝影師除咗工作,就唔會再拎起相機,但我唔會。」佢寄語後輩係YouTube學攝影係唔夠,一定要當攝影係一門學問咁鑽研,再下苦功練習。

 

Ming Chan說,高超嘅攝影技術並不足以拍得一輯靚相,攝影師仲要有良好嘅應變同溝通能力。 

所謂巧婦難為無米炊,才華幾好都好,如果無硬件配合,唔多唔少都會影響發揮,尤其婚攝場面複雜、分秘必爭,如果攝影器材唔配合,真係好易錯過重要時刻。三位攝影師都試過係婚禮用全新全片幅無反EOS R同RF鏡頭,異口同聲咁話好驚喜。三位攝影師都認為EOS R相機對焦系統喺婚宴十分有用,0.05秒快速對焦有助捕捉真情流露等可一不可再嘅畫面,Lawrence話:「以前嘅相機喺較複雜環境如低光拍攝時,對焦時間會比較耐,有時你以為影到靚相,但睇相先發覺有少少走焦,真係好無癮。EOS R命中率都幾高,影相嘅時候安心好多。」

Ming鍾意全新RF鏡頭系列加嘅控制環,攝影師可以自定ISO 感光度、光圈或者快門速度等功能,「拍攝march-in就好啱用,因為march-in好快,多個環收ISO,避免唔夠光情況。」Roberto覺得「眼睛偵測自動對焦」功能好方便,只要鎖對咗指定人物,相機就會自動追蹤,完全唔驚主角唔中焦。至於「Touch & Drag AF」更加減少咗Roberto好多煩惱,EOS R可選擇嘅自動對焦點位置數量多達5655個,只要係螢幕拖曳手指,就能夠輕易轉換對焦目標,「相機同鏡頭唔再成為我同被拍者之間嘅障礙,我可以放更多精力喺構圖同溝通,佢地感覺會自在好多。」

Lawrence話,要影到靚相,攝影師先要投入場合。

另外,三位攝影師都用過4 支專為EOS R而研發嘅 RF 鏡頭,分別係RF 24-105mm f/4L IS USM、RF 28-70mm f/2L USM、RF 50mm f/1.2L USM、同RF 35mm f/1.8 Macro IS USM。三位覺得RF 28-70mm f/2L USM最吸引,Roberto更話呢支係婚攝用過最正嘅鏡頭,「佢取代咗三支定焦鏡35 mm、50mm, 85mm之餘,但同時光圈可以去到f2.0,因為光圈夠大,係暗少少嘅環境拍攝都唔驚,係光嘅地方又做到靚景深!」RF 28-70mm f/2L USM相對其他鏡頭較重,好多攝影師都驚唔方便,但Ming就話:「點都重唔過揹三支鏡,加上換鏡花時間,又容易跌鏡。」Lawrence建議:「用咁重嘅鏡頭,最好裝返垂直手柄,平衡返相機同鏡頭重量,避免頭重尾輕。」 

此外,機背嘅 Multi-Function Bar都獲得唔少好評,攝影師只要預先係機內設定白平衡、ISO感光度或自動對焦方式等,就可以透過滑動左右鍵調整相關功能,真係照顧到唔同用家嘅需要。

配:

Canon EOS R

l  3,030萬像素全片幅Canon CMOS影像感應器

l  Dual Pixel CMOS AF 自動對焦範圍達至畫面大約100% 垂直及 88% 水平

l  最多 5,655個自動對焦位置

l   支援低至EV-6 的超低光對焦拍攝

l  ISO 100 - ISO 40000 標準感光度,可擴展至 ISO 50 - ISO 102400

l  1/8000s 至 30s 快門,支援 B 快門

l   支援 4K超高清、全高清及高清高格數攝錄

l   3.15吋210萬點側揭式多角度Clear View II LCD 螢幕

l  0.76x放大率高質素0.5吋 369萬點 OLED 彩色電子觀景器

l  鎂合金防塵防水滴機身

l  128 x 128 點陣式反射式記憶LCD機頂螢幕

l  支援高速UHS-II 制式 SD/SDHC/ SDXC 記憶卡

l  支援 BG-E22 直度手柄

l  支援 USB 3.1及直接經USB充電

l  機身重量為 580g,連電池為 660g

l  尺寸為 135.8mm(闊)x 98.3mm(高)x 84.4mm(厚)

淨機身售價:HK$17,480

連 RF 24-105 f/4L IS USM 鏡頭套裝限時優惠價:HK$24,680

除EOS R全片幅無反相機、RF鏡頭外,參加者還可體驗Cinema EOS電影級攝錄機同專業相片打印機等最新產品。

同場展出Roberto以EOS R相機及全新RF鏡頭拍攝的婚禮照片,作品盡顯大師功力。

Roberto早前喺香港仔只用了4小時,在舊式漁船隨行隨拍,以EOS R拍出一張張時尚型格嘅相片,充份展現Model冷艷硬朗嘅一面,充滿藝術美感和視覺震撼,盡顯功架。 

資料由客戶提供

活動資訊

  • 地址 香港

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓