商場變身賽道過一個極速聖誕

文: Moses

2018.12.12

大部份商場聖誕裝置都好夢幻、好sweet，荃新天地今年嘅聖誕裝置型到裂！趁住聖誕及Hot Wheels 50周年大日子，荃新天地搵嚟美國著名玩具車品牌Hot Wheels以「Challenge Accepted」為主題，將商場大變身，佈置成大型Hot Wheels賽道挑戰區，畀車迷感受置身賽道嘅快感，各位車迷見到一定好興奮！

車迷注意！必Check位逐個睇！

想感受百分百置身賽道嘅興奮，一定唔好錯過呢啲打卡位：

由即日起至2019年1月1日，商場變成大型Hot Wheels賽道挑戰區，只要於場內商戶或Hot Wheels期間限定店以電子貨幣消費滿$100就可以換領遊戲劵，參加挑戰，畀車迷感受置身賽道嘅快感！

極速賽車挑戰：嚟到一定要去呢條逾13米全港最長Hot Wheels俯衝賽道，車迷記得要登上3米高台大顯身手，然後再衝落嚟嘅感覺超刺激！

超級飛車挑戰：現場有好多試玩專區畀小車迷狂玩！小車迷係咪已經熱好身？咁就啱晒啦～挑戰完13米長嘅Hot Wheels俯衝賽道後，再嚟呢條超級賽道，挑戰親手「飛車」穿越「對岸」，感受飛車嘅刺激快感！

Hot Wheels尋寶機：玩完一輪，一定好想將Hot Wheels車仔帶返屋企，咁就要玩呢部尋寶機，睇吓大家夠唔夠技術夾走限量版車仔做聖誕禮物啦！

其他免費必玩：

傳奇汽車模型Bone Shaker：今年係Hot Wheels 50周年大日子，所以現場展出全港首架Bone Shaker 50周年紀念版汽車模型，模型係由玩具製造商Mattel傳奇設計師Larry Wood所設計。

Hot Wheels珍藏展：Hot Wheels咁經典，當然獲得好多世界各地收藏家垂青，香港收藏家Ron Wong 就係其中一位。Ron借出佢嘅珍藏於現場展示，包括超過100架由1968年至今推出嘅Hot Wheels玩具車，值得留意嘅藏品包括史上首推的16款Hot Wheels合金車系列‘The Original 16’。

Hot Wheels 試玩區及大型裝置：屋企空間有限，最多只係放到幾條路軌，但試玩區就可以俾大小朋友體驗多款Hot Wheels路軌組合嘅趣味；如果想見識專業級嘅玩法，就一定要嚟到荃新天地欣賞大型裝置，車迷們必定勁興奮，睇到唔想走！

電競賽車遊戲：仲有其他必玩推介！場內特設「電競賽車遊戲」，車迷可以利用Hot Wheels車款於電子賽道飛馳，像真度高，小車手試過都大叫好玩！

搶先買特別版玩具車

展品咁精彩不過唔可以帶走～好在場內設有期間限定店，於不同日子優先售賣多款最新產品，包括Disney Mickey & Friends合金車系列、Car Culture–Gulf Racing及Hot Wheels Basic Car火辣跑車系列等。車迷仲有機會搵到「珍藏版」(Treasure Hunt)，甚至「超級珍藏版」(Super Treasure Hunt)珍貴合金車，所以一定要金晴火眼，留意住荃新天地及Hot Wheels Facebook公布上架日期！而Volkswagen Drag Truck 係2018年最後推出的1款，所以極具收藏價值！只要於指定換領日，喺期間限定店消費滿港幣300元，就可以免費換領。

另外會場限定「超級6軌競賽軌道套裝」亦好值得收藏，由6條逾8呎長賽道並排組成，首名衝刺嘅玩具車會有特別聲效，好有趣！

想要獨家限定「聖誕特別版」Hot Wheels玩具車？喺荃新天地最多兩間商戶即日以電子消費滿$800，或憑2,500 Citywalk Card積分，即有機會換到「2018聖誕特別版」Hot Wheels合金車，數量有限，先到先得，車迷快啲嚟換啦！

info

荃新天地 x Hot Wheels「Challenge Accepted 50周年慶典」及Hot Wheels 期間限定店

日期：即日至2019年1月1日

時間：12nn至9pm

地點：荃新天地1期及2期

資料由客戶提供

活動資訊

日期即日起至2019年1月1日
地址荃新天地1期及2期
荃灣荃新天地

展覽

更多真實評價

Alfa Chiu

生活

Foca - 護心戰士❣️ - 川御活心通

Foca - 護心戰士❣️ - 川御活心通高血壓是一種潛在很多健康問題的症狀❣️，我與Foca都非常着重家人的健康，定期會檢查家人們的健康狀態🫂，一般醫生通常只會用血壓藥來抑制血壓飆升的問題，根本上是治標不治本，要改善問題當然要從根源入手，為身體機能保養，達至加強自我修複，從而減少對藥物的依賴。💊 除了確保家人的日常飲食保持健康和維持規律的作息外，最近發現這款產品帶有溫和成份，包括三七、丹參、銀杏葉萃取物還有維他命e、納豆激酶素、檸檬酸鎂以及還原型CoQ10。🫀 成份控的我當然也研究了一番關於還原型CoQ10(Ubiquinol)的特殊功效，高血壓患者特別適用，有補助降血壓的能力，能有效保護血管強度，不過價錢較貴。💰 不過幸好這款產品親民，現在可以一半價錢感受還原型CoQ10啦，健康不再是奢侈品！血管而家有左保養品，個心都定啲🥰。問埋醫生個身體狀況再調整食用份量就萬無一失啦！😉 #川御活心通#心臟健康#還原型CoQ10#保健產品#護心 focabbforever FocaForever CuteFoca CuteSeal CuteAnimals Kawaii FoodPorn HongKongFood FamilyTime 可愛動物小海豹香港美食癒し溫馨健康生活 PetLovers AdorableAnimals DailyCute

閱讀更多
Dear Marine

香港攻略

Mikiki

免費入場！室內都影到超靚鬱金香花海🌷🌷

就喺｢Lazy Corgi春日農莊派對｣🐶 復活節長假期一定要嚟呢到!好似童話世界一樣🌷農莊入邊除左有花海,仲有有尾哥基化身復活兔造型,大家可以盡情同｢懶懶基｣打卡📸 🐣復活節限定!即日起至 4 月 12 日!🐰 🐶🌷場內6 大必影打卡位🌷🐶 1️⃣3.5米高巨型充氣 Lazy Corgi——換上復活兔造型,懶洋洋坐在花圃中,萌到爆燈! 2️⃣2.8 米高巨型充氣繽紛花壺——盛滿粉嫩春花,帶你走進放大版童話農莊! 3️⃣3.2 米高歐陸風田園風車——彷彿穿越到歐洲鄉村,充滿童話色彩! 4️⃣巨型充氣鬱金香——構成浪漫春日打卡裝置! 5️⃣花漾繡球小卡車——滿載夢幻綉球花,少女感即刻滿瀉! 6️⃣夢幻鬱金香花圃——猶如走進童話繪本般浪漫! 🎊3大互動遊戲, 完成三大任務仲有精美禮品! 🎊 🐣眼明手快趕雞仔回家——化身小農夫用扇子趕雞仔返屋企 🥚復活節滾蛋樂——傳統滾蛋遊戲超刺激 🐶哥基美食大挑戰——用大夾子將哥基美食夾入藤籃好玩又刺激 🐾仲有毛孩 Egg Hunt Pawty､復活蛋盆景工作坊､扭扭汽球換領等精彩活動,啱晒一家大細同埋有小毛孩嘅你哋一齊嚟放電😍 玩完仲可以去商場內的餐廳充電｡商場入面超多餐廳同遊樂設施設! 今次玩完我同Marine 仲去埋Namco 玩!呢間 Namco 超級大仲有好多新款公仔夾! 成功拎咗好戰利品返屋企🤣 📆即日起至 4 月 12 日 📍Mikiki 地下中庭A區 💳The Point 會員消費滿指定金額仲可以換領主題環保袋大家快啲帶埋小朋友同小毛孩嚟打卡啦! #mikiki#mikikimall#KaiTak#SanPoKong#啟德 #新蒲崗#LazyCorgi春日農莊派對 {{hket:campaign display="我想要麒麟櫻花禮品"}}{{/hket:campaign}}

閱讀更多
Man_lokhin.kahei

親子

西沙GO PARK

✨Go Park 玩樂日記✨

上次同表姨去西沙 Go Park,真係玩到唔捨得走!🚲🛹 我哋去咗滑板公園,呢度為滑板愛好者提供了自由練習和創造花式動作的空間｡場地寬敞安全,無論新手定高手都可以盡情享受~ 附近仲有好多其他運動設施同餐廳,玩完可以慢慢歎美食｡夜晚去咗Pizza Express 食薄餅 🍕,再歎 Bunny Churros 嘅甜品~大人小朋友個個都捧住個肚走! 呢到交通好方便,港鐵烏溪沙/大學站轉車 5–9 分鐘就到,仲有巴士､小巴同停車場,親子､朋友一齊去都好啱!💛 #GoPark#西沙好去處#滑板車#滑板#親子活動#馬鞍山#去新酒店Staycation

閱讀更多