【AIA嘉年華2018/2019】AIA友邦歐陸嘉年華懶人包!精選20大機動遊戲+攤位遊戲

文: Eunice Lam
2019.02.04

中環「AIA友邦歐陸嘉年華2018/2019」新春期間照常開放,今年同樣有大量機動遊戲同遊戲攤位,仲特別新增了馬戲團雜技表演,充滿嘉年華氣氛。AIA嘉年華日期由即日起至2019年2月17舉行,入場收費方面,成人門票為$130連10個代幣,小童門票為$90連7個代幣,亦可購買$50入場券。即睇小編為大家精選的10大機動遊戲及10大好玩吸引的攤位遊戲,總結了刺激度、難易度及贏公仔攻略,打算主攻機動遊戲或攤位遊戲贏公仔的朋友去之前記得先睇睇以下懶人包啦!

【10大機動遊戲】

1. Mach 5 360度瘋狂旋轉

AIA最有代表性的當然是這個360度瘋狂旋轉機動遊戲,接近50米高,高空360度不停轉,離心力驚人, 坐在高空望,下來都幾驚適合鐘意刺激的朋友挑戰。

刺激度:★★★★★

所需代幣:6

2. Wave Swinger 飛天千秋

AIA另一個主打遊戲是飛天千秋,千秋由多個LED燈泡組成,一邊轉一邊發光,十分搶眼。

刺激度:★★★★

所需代幣:4

3. Miami Trip 洗衣機

嘉年華點少得有瘋狂洗衣機,機動遊戲會不定轉動,怕暈的朋友仔最好就要小心啦。

刺激度:★★★★

所需代幣:5

4. Ice slide充氣滑梯

超長充氣滑梯,由高處滑下來速度不算太快,適合大人同小朋友玩。

刺激度:★★

所需代幣:3個

5. Apple Coaster 蟲蟲過山車

過山車屬於合家歡類型,沒有有太多急彎,速度適中,唔夠膽玩多離心力過山車的朋友仔可以一試。

刺激度:★★

所需代幣:4

6. Atmos Fear瘋狂旋轉鎚仔

不斷高速上下左右旋轉的機動遊戲,玩完小心頭暈。

刺激度:★★★★

所需代幣:6

7. Balloon Ride 熱汽球轉轉轉

Balloon Ride屬於旋轉型機動遊戲,每個汽球中間都設有一個鐵盤可以俾大家自己調節旋轉速度。

刺激度:★★★

所需代幣:3 

8. Crash Test 圓形過山車

算比較刺激的過山車,有多個斜坡位,部分路段仲會成架過山車倒後行,非常有驚喜。

刺激度:★★★★

所需代幣:6

9. 跳彈床

玩家需要綁上安全帶在彈簧床上跳,跳得愈高,離心力愈大,大家可以因應自己程式跳不同高度。

刺激度:★★★

所需代幣:3-4

10. 青蛙氹氹轉

除了識旋轉之外機動遊戲仲會跟著音樂節拍上下擺動,十分刺激。

刺激度:★★★

所需代幣:5

-----------------------------------

【10大攤位遊戲】

1. 乒乓滾下

難易度:★☆☆☆☆

公仔吸引度:★★★★★ (Tsum Tsum)

玩法:將乒乓球滾入0-4分數字格內,4個乒乓球加埋中4分就有獎,容易控制,要得到高分唔難。

Tips:在中間位置細力推出乒乓球,盡量保持直線。

2. 釣魚大師

難易度:★☆☆☆☆

公仔吸引度:★★☆☆☆ 

玩法:以釣竿釣魚,可以釣四次,但有時間限制。釣竿可以一次釣兩條魚,留意返魚嘅分數就好易中獎!

3. 保齡球

難易度:★☆☆☆☆

公仔吸引度:★★★★★(小熊維尼)

玩法:用白波將保齡球擊倒。一球擊倒全部保齡樽即可獲得大獎;兩球可獲中獎,如此類推。

Tips:保齡球都幾重,不過大力啲就得!

4. 彈弓

難易度:★★☆☆☆

公仔吸引度:★★★★☆(Angry Bird)

玩法:用彈弓把所有障礙物完全射出桌面,幾易控制。

5. 飛鏢王

難易度:★★☆☆☆

公仔吸引度:★★☆☆☆

玩法:以飛鏢擊中不同啤牌,4支飛鏢擊中一張啤牌獲小獎,擊中兩張啤牌獲中獎,如此類推,但如果擊中啤牌的白邊不能獲獎。

評語:基本上4支飛鏢要中牌都唔難,但要留意如果2支飛鏢擊中同一張啤牌無獎。

6. 投籃王

難易度:★★★☆☆

公仔吸引度:★★☆☆☆

玩法:將籃球投入籃內,入一至兩球有中獎,如此類推,入四球有特獎。

評語:玩法好簡單,但因為籃球架好高好遠,都要有比較用力先入到。

7. 迷你圈圈有獎

難易度:★★★☆☆

公仔吸引度:★☆☆☆☆

玩法:以呼拉圈套住公仔所在位置,四個圈套中一個有中獎,套中三個就有特獎。留意要套埋公仔嘅座,建議由上而下拋會比較易中。

8. 杯中物語

難易度:★★★★☆ 

公仔吸引度:★★★★★ (怪獸公司)

玩法:將白波擲入杯子中,中白杯沒有獎,中其他顏色杯就分別有小獎至特獎。

評語:頗難玩,個波好輕易彈走,入杯都難,入到有顏色的杯更難。

9. 奶桶挑戰

難易度:★★★★☆ 

公仔吸引度:★★★☆☆(小飛象)

玩法:將球拋進牛奶樽內,拋入一至兩球可得小獎,如此類推。不過樽口較細,要入都有點難度。

10. 木桶江山

難易度:★★★★☆

公仔吸引度:★★★★★(小熊維尼)

玩法:將白波擲入桶內,若球彈出桶外沒有獎,一球小獎,兩球中獎,如此類推。

Tips:拋物線形式出球,將球細細力向桶頂方向拋會較易入。

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓