傷健共融 同享運動的樂趣

康體活動多元化

「學校體育推廣計劃 (特殊學校)」(計劃)喺配合學校嘅日常運作下，特別為全港特殊學校制訂一系列適合智障、視障、聽障以及肢體殘障學生參與嘅活動。計劃喺過去半年已為42間特殊學校超過5,000名學生籌辦逾百項康體活動，並已推出共14種不同類型的體育項目，包括地板曲棍球、保齡球、長跑、健體律動及各種球類活動等。

計劃還安排學生參觀康文署轄下嘅體育設施，包括水上活動中心及屯門康樂體育中心等，部分參觀活動仲有同樂遊戲，畀學生即場體驗各種運動樂趣。另外計劃亦藉着大型體育賽事嘅導賞，畀學生認識各項運動嘅比賽規則，同感受現場嘅熱鬧氣氛。

喺一月嘅時候，「學校體育推廣計劃（特殊學校）」舉行咗一個名為「Let's Move喜動嘉年華2019」嘅啟動禮，共有來自16間特殊學校（包括智障、肢體殘障和聽障學校）嘅學生參與。嘉年華安排了多種適合特殊需要學生參與嘅活動，俾佢地體驗地板曲棍球、滾球、滑浪風帆、欖球和足球等運動樂趣，當日特殊奧運會乒乓球項目的香港代表隊成員仲到場示範，與學生交流經驗！

為咗提升照顧特殊需要學生嘅技巧和知識，康文署喺2月又舉行咗「共融展潛能」講座，邀請咗教育與輔導專家及資深教練分享心得，吸引接近100位來自不同體育總會嘅教練、特殊學校老師及照顧者出席，大家透過互動交流，啟發同工們對如何為特殊需要學生籌劃康體活動嘅路向。

如果你都想了解更多計劃嘅詳情，可以致電2601 7602查詢或瀏覽以下網址：

www.lcsd.gov.hk/tc/ssp/special_school_info/special_school.html

資料來源：康文署