位於尖沙咀K-11購物藝術館內的本土設計品牌B'IN Select早前邀請了香港七位年輕設計師和Sanrio合作推出一系列的獨家精品，當中包括有塑膠花時鐘、飾物、有機果醬、手挽袋及陶藝品等等，有齊多個人氣Sanrio角色如Hello Kitty、布甸狗、Little Twin Stars、蛋黃哥、My Melody、玉桂狗，設計又靚又特別，粉絲記得唔好錯過啦！
FABcessories推出一系列Sanrio角色飾物，有耳環、頸鏈，Little Twin Stars及Hello Kitty款式好靚，另外連平時比較少見的XO都有，夠晒特別！
硬膠花癡AGFC今次就以粉色系花花設計，推出掛牆鐘及花瓶擺設，設計好夢幻，放屋企做裝飾一流！
VW Jewellery推出Sanrio角色的金屬扣針，扣在背包或衣服都得！
由意大利品牌24 Bottles設計的500ml不銹鋼水樽以黑、橙色為配色，加埋Hello Kitty的圖案，好型格！
陶藝品牌曉至的每一件陶藝品都係人手製作，獨一無二，今次就將KUROMI、蛋黃哥、Little Twin Stars結合陶瓷設計出choker、頸鍊及手工品，好特別！
除了精品之外，仲有以有機水果製成的Jam Story果醬、果茶系列，不同果醬、果茶的口味因應不同Sanrio角色性格創作而成，另外仲有專為泡茶而設的玻璃水樽，啱晒鐘意嘆茶的朋友。
由RBRK設計的手袋採用了人造纖維和素皮，沒有動物成分，環保又易保養。
Sanrio聯乘產品現時已經開始於B'IN Select尖沙咀K11店期間限定登場，想買的朋友仔可以去門店睇睇實物～
」，
App內睇文同睇片可隨時捕捉U Fun彩蛋，
換領現金券及禮品！
↓【送飛🎟️】「領展香港高爾夫球公開賽」四天入場證100張！↓
↓11月21至24日免費睇比賽！超多娛樂活動😍按摩、紋身、高爾夫體驗區！↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
