全港10大4月展覽推介！梵高/ KAWS/霓虹燈招牌/小飛象/粉紅球海/彩色蘑菇主題
話咁快又到周末假期，放假除了行街睇戲食飯外，仲可以去睇展覽！今個4月香港有多個期間限定展覽舉行，有KAWS、霓虹燈招牌、梵高、地球藝術家裝置Gaia、浮世繪及牛仔服等主題。今次就為大家精選全港10大4月舉行的展覽，揀返個啱心水的展覽約朋友去睇！
1.《KAWS：ALONG THE WAY》
除了上月來港的巨型KAWS充氣公仔外，上環PMQ元創坊都帶來了《KAWS：ALONG THE WAY》展覽，展出37件精選作品，包括巨型戶外雕塑、近期畫作及早期創作，可以欣賞到《CHUM》、《COMPANION》和《YOU》等系列角色。更有部分展品是首次來港展出，啱晒Fans去朝聖！有興趣的朋友可於Tickerflap網站登記免費入場，＞＞按此＜＜。
日期：3月25日至4月14日 11am-8pm
地點：PMQ元創坊
展覽詳情：＞＞按此＜＜
2.城街•招牌
於北角油街實現舉行的城街•招牌展覽，由街招streetsignhk 設計，以霓虹燈招牌為主題，介紹港式招牌背景和小歷史外，有懷舊的霓虹燈招牌重現舊街景，仲有招牌投影可以玩，可以自由組合出特色招牌。有興趣了解一下這本土特式建築的話，不妨去睇睇！
日期：2月24日至5月10日
地點：北角油街12號油街實現
展覽詳情：＞＞按此＜＜
來源：FB@街招 streetsignhk
3.梵高在世：多感官體驗展
梵高迷不可錯過的展覽！展覽展出3000幅名畫，遍佈展場的牆壁、柱子、天花板及地板，再結合空間、嗅覺、觸角、味覺，打造出夢幻的梵高藝術世界。門票現時可於Ticketflap訂購，詳情可瀏覽展覽官網。
日期：4月6日至7月7日
地點：九龍灣常悅道18號富通中心1樓
門票+展覽詳情：＞＞按此＜＜
來源：Van Gogh Alive、FB@Van Gogh Alive Hong Kong
4.自轉地球藝術裝置Gaia
在灣仔利東街展出的全球首個自轉地球藝術裝置「Gaia」，直徑長達7米，過去曾於英國、愛爾蘭、台灣等地展出。地球表面印有美國太空總署（NASA）於1972年拍攝的超高清地球表面圖像，今次來港特別加入自轉效果，自轉一次需時4分鐘，另外亦會於荃新天地展出。
日期：利東街3月19日至 5月7日 3pm-11pm／荃新天地4月19日至5月19日
地點：利東街中庭／荃新天地
展覽詳情：＞＞按此＜＜
5.太古地產藝術月2019
今年太古地產藝術月2019，邀請多位世界級藝術家來港展出作品，當中三藩市的藝術團體 FoldHaus，帶來大型互動藝術裝置「LUMENous GARDEN」，有2枚分別為5.5米及 4.4米高的巨型摺紙蘑菇「SHRUMEN LUMEN」，仲有4.5米高的大型摺紙花卉裝置「BLUMEN LUMEN」，更可以隨互動改變形態和顏色。
日期：利東街3月19日至 5月7日／荃新天地4月19日至5月19日
地點：3月19日至4月14日
展覽詳情：＞＞按此＜＜
6.《ME:MILLENNIALS SERIES 3.0》
K11的《ME:MILLENNIALS SERIES 3.0》展覽，以一人藝術館為主題，整個環境充滿粉紅色調，有過萬個粉紅波波組成的粉紅球海及文字投影牆影相位。展覽仲特設「個人偏好設置」互動體驗，可以自設展覽名稱、主題、訊息、風格及呈現形態，操控10個不同的藝術場景，打造出個人的展覽。行完仲可以欣賞其他參觀者及藝術家王欣的創作。展覽入場費為每位$40（不包括「個人偏好設置」互動體驗）；而「個人偏好設置」互動體驗為每位$80，每節15分鐘，每日供40個時段，需預先網上預約，＞＞按此＜＜。
日期：3月14日至5月5日12nn-10pm
地點：K11 購物藝術館 B2層, 地下中庭 及 3樓
展覽詳情：＞＞按此＜＜
7.啟德機場影像回顧展
新蒲崗Mikiki邀請資深攝影師朱迅合作，舉行「啟德機場影像回顧展」，展出逾40幅珍貴相片，可以重溫當年飛機低飛市區的情景，並欣賞昔日九龍城區面貌。展覽內仲有多個機場影相位，包括跑道、抵境大堂和飛機等。
日期：3月16日至4月22日 11am-9pm
地點：Mikiki地下中庭
展覽詳情：＞＞按此＜＜
8.小飛象
除了電影《小飛象》上映，銅鑼灣時代廣場亦變身成馬戲團世界，舉行小飛象Dumbo展覽！有不同造型的小飛象，可以盡情影相打卡，仲有巨型270°投影，由Dumbo帶領大家飛越香港多個地標。周末及公眾假期，更會有免費馬戲團表演。
日期：3月20日至4月28日
地點：時代廣場地面露天廣場及二樓大堂
展覽詳情：＞＞按此＜＜
9.「DDDenim牛仔服的生活及文化」時裝展覽
由香港知專設計學院時裝資料館主辦，以牛仔服裝為主角，展出經典海外品牌Levi's®、45R®及本地品牌YORK®的經典牛仔款式及潮流發展。展覽更邀影視明星鄭伊健、何超儀及形象設計師劉天蘭借出私人珍藏現場展示，分享牛仔服的繾綣故事。亦有十件牛仔服飾珍藏，出自不同設計師的手筆，包括Christian Dior、Jean Paul Gaultier、Issey Miyake及Junya Watanabe等。
日期：1 月 28 日至 6 月 6 日 10am-12nn／2pm-5pm
地點：香港知專設計學院時裝資料館
10.「現代浮世繪」展覽
展覽展出日本藝術家武藤隆輔的畫作及雕塑作品，以日本傳統浮世繪並加入潮流元素，包括白兵、黑武士、米奇老鼠等等，喜歡日本文化的朋友可以到場欣賞！玩具品牌TOYZEROPLUS將會推出限量版雕像、刺繡畫、T-shirt及襟章等的周邊商品，睇完展覽仲可以帶埋精品返屋企留念！
日期：3月22日至4月7日 1pm-8pm（逢星期一休息）
地點：香港大坑新村街35號地下
來源：FB@Toyzeroplus
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
《 U GO》請您去荷花夏季BB展 2026！
運動BB爬行賽/20種異寵體驗/Messy Play/明星校長講座🤩
↓【免費🎁】零食世界2026電子門票🍭 ↓
↓ 同一門票可入埋「香港書展」及「香港運動消閒博覽」↓
U GO 本週好去處
