得獎人氣舞台劇《父親》載譽重演！ 喚起社會對認知障礙症關注

父親認得出這個在家中出現的女人（劉雅麗飾，右）嗎？

年邁嘅父親André漸漸失去獨立生活能力，與男友同居嘅Anne決定接父親返屋企一齊生活，方便照料父親。患上認知障礙症嘅父親時而風趣時而迷糊，在他認知裡，「現實」逐步瓦解，因而引發大家嘅矛盾。背負著對父親嘅愛同家庭責任，究竟Anne會點做？

父親對在家中出現的男人（辛偉強飾，左）感迷惑。

探究生命課題：年老

「年老」係每個人必經嘅生命課題，有無諗過你人生嘅最後歲月裡，如患上認知障礙症，經歷身體上的變化會係點？戲劇大師毛俊輝嘅演技無容置疑，今次再演認知障礙症患者，以第一身呈現患者嘅種種狀態，連佢都覺得呢個角色好難演：「男主角身體和心理狀態不斷轉變，連帶劇本內容亦不停變，既考驗創作團隊，也考驗觀眾，需要與男主角一同經歷種種變化。這個劇本非常有社會意義，既真實而又有感染力，令觀眾體會患者的狀態，同時瞭解照顧者的矛盾和痛苦。」毛俊輝曾憑《父親》一角奪得最佳男主角，相信唔少觀眾都好期待佢在今次重演的演出！

對於如何對待父親最為恰當，Anne（彭杏英飾）和男友Pierre（高翰文飾）意見分歧。

導演馮蔚衡選擇執導《父親》一劇，係因為想探究認知障礙症，同時喚起社會關注。「選擇《父親》的初衷，是因為充滿好奇，想走進André的世界：站在眼前的親人認不出來，生命中的印象完全混淆，還有不知從哪裡冒出來的奇怪妄想，當一個人的腦袋極度失控，那會是一種怎樣驚嚇的折磨？」佢希望今次重演能夠喺社會發揮功能，等大眾了解認知障礙症為患者同照料者所帶來嘅衝擊。

看護Laura（黃慧慈飾）可否幫到André？

info

香港話劇團《父親》

日期：5月7至11#、14至18日（7:45pm）

　　　5月5#日（2:45pm）

地點：香港大會堂劇院

票價：$200至$420

#設演後座談會

購票：www.urbtix.hk

詳情：www.hkrep.com

資料由客戶提供；圖為2017年首演劇照（攝影：Cheung Chi Wai）