【大埔美食】大埔簡約北歐風木系Café 露天庭園歎手沖咖啡/坐搖椅悠閒睇書

文: 劉紀彤
2019.04.14

放假如果想遠離市區,好好放鬆一下的話,可以考慮一下去大埔的Kaffee house 家。啡。Kaffee house位於大埔汀角盧慈田村,咖啡店環境優美寧靜,而且親近大自然,店外有一個露天庭園種植了不少花草,亦不時聽到鳥聲,悠閒放鬆,有一種遠離繁忙市區的舒適感,放假不妨約埋三五知己入去慢活一日!

Kaffee house家。啡原本只是一間普通的村屋,經過數月由內到外的改裝後搖身一變成為一間簡約北歐風設計的Café,咖啡店門口位置有一個大木窗,可以一邊歎咖啡一邊望住外面露天庭園的景色。Café內則擺放了不少木製家品和書本,仲有一張搖椅讓客人可以坐上去睇睇書,十分寫意~

 

 

Café主打手沖單品咖啡,有別於由咖啡機沖製的咖啡,手沖咖啡由全人手製作,每一個製作過程細節都會影響咖啡的味道,因此每一杯調配出來的咖啡都唔同。除了手沖咖啡之外,非手沖咖啡亦不遜色,Café採用了名牌咖啡機Slayer,另外亦有其他自創口味的咖啡,包括可樂咖啡、金箔咖啡、橙味咖啡。

 

 

Café設計裝修、沖調咖啡全由店主夫妻檔一手一腳經營打造,店主旅遊時更會搜羅一些得意的小物放置於咖啡店出售,附近更不時會有流浪貓到咖啡店「搵食」~

 

 

活動資訊

  • 地址 香港新界大埔汀角盧慈田村24號
  • 開放時間逢星期一、四、五下午1 時至6:30 逢星期六、日下午12時至6:30

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【夏日密密賞☀️】小魚兒海鮮盛宴😍 ↓

↓ 烤魚二人餐 / 龍蝦二人餐 / 炭火風味烤凌波魚 / 澳洲龍蝦!↓

↓ 烤魚二人餐 / 龍蝦二人餐 / 炭火風味烤凌波魚 / 澳洲龍蝦!↓

↓【夏日密密賞☀️】體驗最「Cheeful」夏日😍↓

↓免費換領卡樂B Cheeful® 芝士味粟米條🧀!↓

↓免費換領卡樂B Cheeful® 芝士味粟米條🧀!↓