暑假好快到尾聲，相信一班家長們都想帶小朋友到遊樂場盡情玩樂，為暑假留下美好回憶。今次為大家介紹10間2019年新開的遊樂場，包括佔地14000呎的Epicland、日本人氣遊戲機中心Namco、荃灣消防局主題遊樂場等，讓大家暑假可以多幾個新的好去處！
1. 愉景灣 Epicland 全港最大室內遊樂場
位於愉景灣的Epicland經裝修後，終於重開啦！佔地14000呎，提供多個玩樂設施，包括5層超巨型迷宮、飛索、垂直滑梯等等，膽子夠大的小朋友更可以玩Air Trek，在場內的不同高點進行歷奇挑戰，緊張刺激！而場內亦有專為3歲以下的幼兒提供波波池等嬉戲設施。另外，小朋友玩累了更可以到場內一間售賣三文治、咖啡、小蛋糕等輕食的cafe，填飽肚子，之後繼續玩樂。詳情可>按此<。
2. 荃灣消防局主題遊樂場
荃灣於今年5月又新開了一間消防局主題遊樂場！室內遊樂場由荃灣帝盛酒店經營，價錢合理，場內設有公主城堡、波波池，仲有男孩子鍾意的消防車，相信一班小朋友一定急不及待想到場試玩。詳情可>按此<。
3. 荔枝角消防局主題髮型屋
這間位於荔枝角開業兩個月的「緣來有髮剪體驗店」，將理髮店和兒童遊戲室融為一體，打造成一間小朋友大愛的消防局，而小朋友更可以穿上消防員制服，非常逼真！另外，這間小店亦貼心為產後媽媽提供月子頭髮護理，以自家秘製薑水為坐月子中的媽媽做頭髮護理，一班媽媽們可以帶埋小朋友一齊去玩啦！詳情可>按此<。
4. 太子城堡遊樂場
4月中才開幕的太子城堡遊樂場為小朋友提供不同遊樂設施，包括波波池、夾公仔機、攀爬架等等，收費合理，絕對是打發小孩的好去處！另外，場內亦不定時舉行工作坊及興趣班，如「小網紅訓練班」，讓小朋友學習拍攝錄影技巧，透過鏡頭培養小朋友說話技巧、肢體語言的表達，從而培養自信，而家長們在等待小朋友玩樂的時候可到旁邊的休憩區靜靜看書上網。詳情可>按此<。
5. 沙田「美國冒險樂園」彈跳迷宮
沙田禾輋廣場「美國冒險樂園」之前先開了冒險樂園的擲彩虹、投幣式遊戲機及夾公仔機區，依家終於開埋彈跳迷宮！雙層迷宮設有不同障礙及機關，小朋友必須動動腦筋才能越過障礙。另外，場內亦設有不同滑梯，包括直式滑梯、滾輪式滑梯、旋轉滑梯等，一班小朋友一定好喜歡！這裡還有一個亮點是有另一個小型波波池是以星際為主題的，搭配STEAM的遊戲設施，新穎有趣！詳情可>按此<。
6. 觀塘PlayLab反斗研究所
觀塘的PlayLab反斗研究所佔地7000呎，遊樂設施應有盡有，裝修非常精緻夢幻，適合家長們幫小朋友拍照留念！場內設有10大主題區，當中最矚目一定是迷宮波波池，有繩網、滑梯、互動投影等設施，小朋友一定會喜歡。另外，女孩子最愛的化妝間亦會出現於現場，有超多化妝品玩具及公主裝，肯定能滿足各位小公主愛美的慾望～想了解更多可>按此<。
7. 何文田人氣遊戲機中心Namco
日本人氣遊戲機中心Namco在九龍區再開新分店，除了旺角店外，在何文田亦開新分店，有很多遊樂設施，如夾公仔機，可以夾到多款人氣卡通公仔。日本新機Gemini亦更首次在香港登場，大人小朋友都啱玩！同場仲有得玩彩虹池，機動車等，住附近的朋友唔好錯過啦！詳情可>按此<。
8. 荃灣冒險樂園
荃灣冒險樂園重新開幕！多款經典遊戲再度登場，例如推銀機、保齡球機、掟彩虹、氣墊球機、籃球機、夾公仔機等，重新開幕後場內更新增了很多新遊戲，大家仲唔快啲約埋朋友放假一齊去玩啦！詳情可>按此<。
9. 銅鑼灣時代廣場Planet J
冒險樂園旗下新店Planet J Hong Kong進駐銅鑼灣時代廣場！新店佔地一萬呎，設有多款遊樂設施，如Crazy Cart飄移車場、彈跳迷宮，以及各式遊戲機等。最特別當然是全球大熱的「音樂+VR」街機Beat Saber，場內更設有VR Zone綜合體驗區，集合了多款類型VR遊戲，緊張刺激！有興趣的朋友記得要到場玩啦～詳情可>按此<。
10. 旺角MOKO XR恐怖密室體驗館
亞洲首間XR恐怖密室體驗館6月將登陸旺角MOKO新世紀廣場！體驗館佔地1000多呎，嶄新結合AR、VR 及MR三大電玩科技，為玩家震撼視覺、聽覺、嗅覺及觸覺體驗。體驗館設有3間密室，分別是：荒廢檔案室、血祭祭壇、及懷舊凶宅，玩家要完成任務才可過關。另外，場內亦有性質較輕鬆的VR韆鞦遊戲及VR體驗專區，玩家可體驗到VR帶來的離心力與樂趣，非常刺激好玩。大膽的朋友仲唔快啲去現場挑戰膽量！詳情可>按此<。
活動資訊
- 地址 詳見內文
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
