跨品牌的聯乘系列一向深受歡迎，當中唔少品牌合作推出的產品更是令人意想不到，引起熱烈討論！2020年亦有唔少一度引起話題的聯乘系列產品，當中包括有KFC聯乘Crocs推出炸雞鞋、Supreme最新一季推出Oreo限量版曲奇等等，搞鬼又特別！
美國快餐連鎖店KFC肯德基和休閒鞋品牌Crocs跨界別合作，推出以炸雞桶作設計的休閒鞋，鞋面印滿香脆炸雞，而鞋底就模仿炸雞桶包裝紙，更印有肯德基爺爺圖案，另外鞋上面更有兩個有炸雞味的炸雞型配飾，設計非常新穎，完全估佢唔到！KFC炸雞鞋將於2020年春季推出，鍾意KFC炸雞的朋友可以考慮一下！
Supreme2020春季系列同樣充滿驚喜，除了新推出的服飾之外，今次Supreme和OREO合作推出限量版Oreo曲奇餅，Oreo曲奇變成紅色，一邊印有OREO字眼，另一邊則印有Supreme，好特別！除了OREO之外，仲有保鮮袋、即影即有相紙等等，同樣將於2020年春季推出！點擊圖片睇仲有咩產品啦！
2020年英國時裝品牌Paul Smith和筆具品牌CARAN D'ACHE聯乘推出多款文具，包括有8色限量版水溶木顏色及原子筆，用了Paul Smith經典「藝術家條紋」包裝，原子筆筆身和包裝盒上更印有Paul Smith燙金簽名，款式設計少見特別～ Paul Smith聯乘CARAN D'ACHE系列現時在香港誠品書店有售，有興趣可以去睇睇～
圖片來源：crocs／supremenewyork／誠品書店
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
