【長沙灣美食】長沙灣新開唯美波希米亞風Cafe 竹籐韆鞦影相位+歎三層架下午茶
長沙灣新開一間唯美波希米亞風Cafe「Boholic」，店內以竹藤傢俱及植物佈置，到處都是影相打卡位！店舖主打各式賣相精美的餐點，例如有溫泉蛋芝士泡菜五花肉珍珠飯、香煎慢煮牛腹肉配紅酒黑醋汁、精緻三層架下午茶，以及各式咖啡、雞尾酒等，有興趣的朋友記得bookmark定啦！
這間長沙灣Cafe「Boholic」，樓高兩層，以米白木色作主調，店內竹藤傢俱及植物的佈置清新雅致，門口的韆鞦座位更是影相打卡好位置。餐廳設有半戶外座位，以土耳其馬賽克燈作裝飾，別有情調。
店舖提供餐廳選擇多樣，溫泉蛋煙鴨胸柚子汁蕎麥麵 （$78）鴨胸份量充足，蕎麥麵配上蛋絲、蟹肉絲、青瓜絲等，口感豐富，十分清爽。
溫泉蛋芝士泡菜五花肉珍珠飯 （$88）芝士鹼香十足，醬汁香滑，送飯一流。
香煎慢煮牛腹肉配紅酒黑醋汁 （$138）牛腹肉燘至軟爛入味，紅酒黑醋汁入口濃郁而不油膩。
餐廳亦提供三層架下午茶拼盤（$208/2人用），入面包括自家製scone、Tiramisu、馬卡龍、鬆餅、蟹肉春卷及葡撻，最適合同閨蜜朋友一齊Share！可另以優惠價$88加點2杯Sparkling Moscato。
飲品方面亦有各式咖啡、奶昔選擇。例如有Boholic Lava($48)，有焦糖橙皮掛邊，淋入espresso，提神清新。
Latte Macchiato($38)、Flat White($38)，有不同咖啡拉花圖案，可愛精緻。
Strawberry Avocado Smoothie ($48)，帶士多啤梨香甜，入口幼滑。
想小酌一杯的朋友亦可挑選店內的雞尾酒，Black & White($88)，將Vodka加入Kahlúa咖啡酒，大家倒入espresso後可按個人喜好唧出相應份量的cream milk，玩味十足。
Passion Kiss ($88)，以Vodka加入梅酒、熱情果及檸檬汁，入口富果香。
Boholic Twins Tower ($168)，以Mojito作基底，顧客可選regular、藍莓 、菠蘿、士多啤梨口味中任選兩款。
Cafe歡迎電話預約訂座，週末及假日午市時段只接受walk in，更多相關消息可詳見官方IG@boholic_rtlc。
活動資訊
- 地址 長沙灣福華街561號君凱豪庭地下及一樓
- 人均消費$51 - $100
- 開放時間星期一至日11：30-22：00
- 電話23883668
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活人氣本地熱話
Ian陳卓賢忠粉鑑定所🎤
即刻挑戰🏆！測試您對Ian嘅了解程度🌟
↓【✨ Chill賞親子放電祭🏖️】↓
>各種驚喜禮遇等您發掘🌟<
U GO 本週好去處
