芫荽料理近年愈趨盛行，每當市面上出現芫荽美食，一眾芫荽控立即為之著迷。除了最近比較有名的芫荽三文治、芫荽燒賣和芫荽火鍋，最近一間於長沙灣及尖沙嘴均有分店的日式居酒屋「味道樂居酒屋」更乘勢推出日式版本的芫荽盛宴，芫荽味更有分不同的濃度，由最高濃度的特濃芫荽湯拉麵、半燒三文魚芫荽親子丼，至到芫荽濃度較為輕微的芫荽小食和飲料，通通一應俱全。依家芫荽餐牌外賣更可享8折優惠，即刻睇下有咩好食啦！
居酒屋的芫荽餐牌共有7款菜式選擇，經過老闆多番嘗試與改良，芫荽餐牌終於在最近推出了。為了迎合不同芫荽愛好者的口味，老闆特意推出不同的濃度的芫荽料理。高濃度的芫荽菜式絕對可以刺激到一眾芫茜控，而芫荽濃度較輕的芫荽小食則適合想嚐鮮又怕太過濃味的朋友。味道樂居酒屋的裝潢很有日本傳統居酒屋的格調，溫暖橘黃的光線，牆上貼滿不同的日式海報與旗幟，架子上擺滿琳琅滿目的酒瓶，風味十足。
不少芫荽控都會挑戰芫荽餐牌中芫荽味最為濃厚的芫荽豚肉拉麵（$78），豬骨湯底加入新鮮芫荽每天熬煮約4小時，芫荽湯底極之香濃，有點像芫荽皮蛋湯的感覺。除了煮湯的芫荽，亦會加入大量新鮮芫荽作配料，芫荽控絕對不能錯過啊！
半燒三文魚芫荽親子丼（$88）同樣吸引。即叫即燒的三文魚新鮮肥美，配上大粒爽口的三文魚籽，與新鮮芫荽的青味相加起來是意想不到的匹配。另一款同樣芫荽味較為濃厚的小食 — 鐵板芫荽牛肉卷（$68），上枱時更冒著煙，燒得軟腍的芫荽味道更為突出，食落惹味。
想嚐鮮又怕芫荽味太過濃烈的朋友可以考慮以下幾款小食。芫荽軟殼蟹反卷（$88），反卷上淋上老闆特調的芫荽沙律醬，芫荽味相對地低，更容易入口。軟殼蟹炸得香脆，配上芫荽沙律醬，口感和味道更為豐富。
另外2款小食包括，芫荽醬免治雞肉棒（$58）和黑蒜黑豚芫荽卷（$48）。免治雞肉棒很有咬口，伴芫荽醬食用，倍添滋味。而黑蒜黑豚芫荽卷，黑蒜醬味道濃烈，相對地芫荽的存在感較低。除了主食和小食，居酒屋更有推出芫荽梅子梳打（$38），鹹酸夾雜芫荽香味，味道特別。
味道樂居酒屋於長沙灣及尖沙嘴均有分店，現在推出芫荽餐牌外賣更可享8折優惠，大家仲唔把握優惠去挑戰一下這個日式芫荽盛宴！
活動資訊
- 地址 長沙灣元州街498號青華閣地下C舖 / 尖沙嘴河內道2號地舖
- 人均消費$101 - $200
- 開放時間星期一至六 12:00 - 15:00，18:00 - 23:00 星期日18:00 - 23:00
- 電話（尖沙嘴）3956 3122
- 電話（長沙灣）29891128
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】Optmeal健康雞胸肉及燒賣套餐！↓
↓ 每日新鮮製造！多款獨特口味！ ↓
↓【社群送禮】派超市現金券！↓
↓ 分享優惠情報贏禮物！↓
評語