深水埗是個平民美食天堂！除了掃街小食、糕品老店和有名氣的茶餐廳之外，其實更有不少街坊食店，這家街坊茶餐廳「琦興餐廳」就是其中一間了。「琦興」這個招牌其實屹立已有30年，高峰時期更有7間分店。兩年前由兒子阿昌接手琦興餐廳，為了不被時代淘汰，拒絕繼續以傳統茶記模式去經營，他重振旗鼓打理琦興餐廳。
相信不少深水埗老街坊都認識「琦興」這個老招牌。經營三十載，高峰時期便擁有7間分店。但好景不常，最終只剩下位於深水埗富昌邨的唯一一間琦興餐廳。兩年前更被拒續租，故爸爸打算退休，便由兒子阿昌接手琦興餐廳。
阿昌明言「琦興」本來就是傳統那種普通茶餐廳，以往就只有ABCD餐，選擇不多，較為單調。承繼茶記生意後，阿昌與多年做廚的老師傅重新研發，豐富餐牌上選擇，變得多元化之餘，更重視食物味道品質。隨之推出一磅巨型炸雞髀、瑤柱臘味煲仔飯，甚至有鑊氣十足的惹味雞煲，漸漸又開始吸納深水埗一眾街坊。這個一磅重的生炸巨型雞髀（$37 配紅豆冰/波蘿冰）不少街坊大叫抵食又飽肚。他們的炸髀製作亦相當認真，醃製後先在扒爐上微微煎香，經過風乾等步驟，待有單的時候，再即叫即炸。
於餐牌中加入煲仔飯亦是其中一大嘗試，而反應亦意想不到的好。這個「一品煲仔飯」（$90）最為受歡迎！加入了臘腸、臘肉、蠔豉、冬菇和乾瑤柱等豐富材料。做煲仔飯的過程都相當有講究，煮煲仔飯的時候會均勻地燒瓦煲的四邊，這樣就會做到很多薄脆的飯焦。起煲前一分鐘更會淋上一層豬油，讓整個煲仔飯味道更為香口。
這家臥虎藏龍的茶記更有不少惹味小炒提供！而其中麻辣魚肚雞煲（$180半隻雞// $240一隻雞）更是用上重慶香料即叫即炒，鑊氣十足！而且雞煲加入口感煙韌的魚肚，食落倍加滋味。
除了努力經營茶餐廳，阿昌更十分關注基層問題，堅持派飯比街友，以盡自己一分力量幫助社區。他與一眾義工團隊逢星期二、四都會在茶餐廳外派飯比街友，為的是做得幾多得幾多。
活動資訊
- 地址 深水埗通州街294號
- 人均消費$51 - $100
- 開放時間星期一至日，早上6:00 - 下午10:30
- 電話2368 8896
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
