香港日落靚位 | 港島區10大睇日落地點推介！西高山/東岸板道/紅香爐峰 附日落時間/交通方式
睇日落好去處｜日落時間｜拍拖好去處｜靚景不會嫌多，靚的日落更加想日日欣賞，今次推介10個港島區可以欣賞日落的地方給大家，包括西高山、東岸板道、中山紀念公園、紅香爐峰、南朗山等，港島區的朋友亦可找個靚位欣賞日落。
香港日落時間
可於香港天文台網頁的「星體出沒時間」一欄，或手機App「天文及潮汐資料」頁面，查看當日日落時間。
港島睇日落靚位 1. 西高山
位於太平山山頂廣場之上的西高山可以飽覽無敵海景，除了可望向西環之外，更可遠眺青馬大橋及香港迪士尼樂園一帶風景。由山頂夏力道出發，沿着指示牌行大約30分鐘便可登頂，路程以梯級為主，尚算輕鬆，即使行山新手也可輕易登頂。站在飽覽360度風景的山頂，絕對可以讓你看到整個日落的過程，更可拍出多張靚相。
西高山點去？
交通：中環乘搭15號巴士／1號小巴前往山頂廣場，沿夏力道出發
港島睇日落靚位 2. 銅鑼灣避風塘
銅鑼灣是不少港人喜歡去到鬧市，不論平日還是假日也會人山人海，擠滿上班、上學及逛街的人潮，為了帶大家避開人流又可睇靚景，今次要介紹銅鑼灣避風塘給你們。這裏可以飽覽維港日落景色，黃昏配上漁船，讓你有種進入詩畫之中的感覺。
銅鑼灣避風塘點去？
交通：港鐵銅鑼灣站E出口出站，前往世貿中心的告士打道出口，轉左行經過大門後向下行，再穿過長通道，直行就會到達
港島睇日落靚位 3. 東岸板道
港島東區東岸板道與位於炮台山屈臣道以西的東岸公園相連，沿著海傍設有不少座位，可以飽覽維港景色。場內有多個主題區及公共設施，佔地約一萬呎，非常適合來渡過一整日。大家趁着日落時段來到這裏，多角度欣賞維港靚景同時，亦可欣賞日落及打卡，如東岸公園的防波堤是拍照的好地方。
東岸板道點去？
東岸板道西段入口：
- 糖水道（從港鐵北角站A1出口步行約三分鐘）；
- 和富花園及轉盤橋；
- 東岸公園主題區的屈臣道入口及行人通道（從港鐵炮台山站A出口步行約15分鐘）
港島睇日落靚位 4. 添馬公園
添馬公園位於金鐘立法會大樓對開，這裏有一大片草地，不少人會在這裏野餐、休息、做瑜珈等。草地對開可以望到維港景色，大家可以坐在草地上欣賞日落與海景，也可試試拍攝投射於添馬公園的雲石上的黃昏晚霞，相信會與其他地方拍出來的效果不同。
添馬公園點去？
交通：港鐵金鐘站A出口出發，上天橋後步行約5分鐘即達
港島睇日落靚位 5. 中山紀念公園
位於西營盤的中山紀念公園同樣有一大片草地，能與親朋好友放假時來相聚談心，公園亦可看到維港景色。加上因中山紀念公園位於西面，故此非常適合看日落，大家可以趁着快日落時，行到公園內的水景廣場，欣賞靚靚夕陽。
中山紀念公園點去？
交通：港鐵西營盤站A2出口，沿着東邊街直行至干諾道西，轉右上天橋過對面再行大約5分鐘便到達
港島睇日落靚位 6. 堅尼地城海旁
堅尼地城巴士總站旁邊設有海傍公園，沿着海邊有不少面向海的長椅，可以眺望汀九橋及青馬橋，吹着海風再看日落絕對是非常寫意。這裡更被譽為是港版江之島，吸引不少遊客專程來打卡，不過打卡時記得注意路面情況及自身安全。
堅尼地城海旁點去？
交通：港鐵堅尼地城站A出口，沿土美菲路向海邊方向步行約5分鐘，轉入城西道，巴士站後面便是海濱長廊
港島睇日落靚位 7. 西環鐘聲泳棚
由木板和竹棚建成的西環鐘聲泳棚早於60年代已出現，長長的木橋由岸邊延伸至海，吸引不少人站在橋上影相。若遇上夕陽西下，更能捕捉到陽光照在海面上波光粼粼的畫面。
西環鐘聲泳棚點去？
交通：港鐵堅尼地城站A出口，乘搭54、58、59號小巴，於摩星嶺明愛賽馬會宿舍站下車，再向後行一段路便到達
港島睇日落靚位 8. 赤柱聖士提反灣
赤柱向來是情侶拍拖勝地，每逢假日都會人山人海，而臨近夏天有不少人更會去沙灘玩玩，如果你也想於黃昏時段到沙灘漫步，不妨去聖士提反灣，既可感受浪漫情調，又可避開赤柱正灘的密集人群。大家可以將聖士提反灣作為赤柱之旅的最後一站，於這裏看完日落才離開。
赤柱聖士提反灣點去？
交通：港鐵西灣河站A出口， 乘搭14號巴士在黃麻角徑下車，步行3分鐘便到達泳灘
港島睇日落靚位 9. 南朗山
被譽為是黃竹坑後花園的南朗山，亦鄰近海洋公園，行上山的途中不時會聽到玩過山車的尖叫聲，相當有趣。行至南朗山山頂，可以俯瞰深水灣及淺水灣的海景，更可看到一排排整齊的魚排，比起於一般地方看到的日落來得更特別。
南朗山點去？
交通：港鐵黃竹坑站B出口，行出天橋落地面直行至布廠灣，再行約10分鐘便可看見南朗山山徑入口
港島睇日落靚位 10. 紅香爐峰
紅香爐峰位於北角寶馬山，算是比較接近市區的一座山，路段亦相對易行。登頂後能飽覽270度的維港，更可遠眺九龍景色，日落時分可以欣賞到清晰的「鹹蛋黃」，絕對是無敵日落景。
紅香爐峰點去？
交通：港鐵鰂魚涌港鐵站A出口沿山邊行人路行，大約5分鐘即可到達柏架山自然徑入口
相片授權: IG@kristennn1234 , IG@yenyen5111 , IG@goodgalryry____ , IG@shanyoga.hk , IG@wonghang327 , IG@wailim68 , IG@jsrpixel , IG@ayumiwy , IG@phil_visual , IG@hazel_llly , IG@miumiu_chui , IG@michellechen920 , IG@zimeng_meng , IG@kk_karinakong , IG@kazifmak , IG@potato_stratos , IG@rainie030 , IG@saikit513 , IG@taiyojitheshiba , IG@jenjennfa , IG@lilyysl108 , IG@shine.with.mi , IG@littledolphin34 , IG@sai1or_eleven , IG@bi_jai , IG@jona_photoss , IG@hikewhathk , IG@amandatam03 , IG@lau.micmichelle
U Community遊客用戶分享
堅尼地城日落
堅尼地城海傍，打卡熱點，好似去咗外國咁一望無際嘅海景！
西灣鐘聲泳棚
港島必睇日落的好地方——西灣鐘聲泳棚，而且難度不高，又容易到達。
來源：Aquila
銅鑼灣避風塘日落
在鬧市海旁的這個避風塘，只要3分鐘的時間，就可以由一個繁榮的城市，穿越來到一個小小的寧靜小海岸。海旁的這個避風塘，有一個提壩。登上提壩上散步，感覺自己就好像站在在水中央的感覺！提壩的盡頭有一個小燈塔，也是全港最隱世的打卡聖地。當站在這個小燈塔的旁邊，在此觀看日落，當夕陽灑落在海面，映照出泛泛金光，也份外醉人浪漫！
-
打卡熱點
今次想介紹一下香港美景-孖崗山 我今次係由海洋公園出發，經深水灣、淺水灣、紫崗橋、孖崗山最後係赤柱廣場完結，全程約5個鐘～ 睇相已經見到有幾靚，唔洗我多講啦😆 黃昏時間更靚，預返時間去睇日落美景，身心都舒暢曬☺️ #夏日購物賞
閱讀更多
-
香港攻略
灣仔海濱公園
由北角東岸版道行去灣仔海濱長廊, 沿途風景幾靚喎 🥰 能近距離欣賞維港美景, 仲有人寵共融嘅休閒空間. 行過銅鑼灣避風塘, 可以停下來拍攝漁船與摩天大樓嘅對比. 呢條路線少馬路, 係貼海嘅體驗同散步嘅好地方. Tobey Coco and Dolby 一樂也. #狗狗日常 #好去處
閱讀更多
-
打卡熱點
呢次去玉桂山燈塔行山，對我嚟講好似幫自己按咗個暫停鍵，離開城市一陣🏙️➡️⛰️。由利東邨出發，一開始只係穿梭喺樓宇同街市之間，仲聽到電車聲同車聲，但愈行愈高，城市噪音就慢慢被風聲取代，心情都自然靜落嚟🍃。踏上真正上山嘅泥路時，四周開始被樹木包住，陽光透過樹葉照落嚟，感覺好舒服，令人成日想深呼吸幾下，將平日工作同煩惱都暫時放低🌤️。 玉桂山雖然有啲斜路，但其實唔算難行，整體路程唔長，只要著對抓地力好啲嘅波鞋，慢慢行都冇壓力，所以好適合新手同半新手👟。沿途有啲位置要小心踩住石頭上落，不過對鍾意輕量挑戰嘅人嚟講反而幾好玩💪。行到中段回頭望，就已經見到鴨脷洲同海面嘅景色，成個視野慢慢打開，會有種「原來自己離市區咁近，但風景又可以咁唔同」嘅驚喜😍。 再行前少少，就到達望向玉桂山燈塔同連島沙洲嘅位置，海同天空幾乎連成一線🌊。當日我揀喺黃昏時間去，啱啱捉到最佳日落時段，金黃色陽光鋪滿成個海面，好似為行程加咗層暖暖濾鏡🌅。喺海邊岩石坐低，影咗眼前呢張相，見到自己剪影同遠處群山，個瞬間真係覺得一切辛苦都好值得📸。聽住浪聲、吹住微涼海風，整個人好似被洗走咗好多壓力，心入面只剩低平靜同感恩💛。 如果平時你覺得太忙、太攰，又唔想去到好偏遠嘅大山，玉桂山係一個好好嘅入門選擇✨。路線簡單清晰，交通方便，上山時間唔長，但又可以一次過俾你打卡海景、島嶼同靚日落，CP值好高📍。只要記得帶足夠水、防曬、帽同風褸，揀個好天氣，約埋朋友或者另一半一齊慢慢行，邊行邊傾計，去到燈塔附近再慢慢睇日落，就會明白點解咁多人推介呢個地方☀️。下一次如果想輕鬆充電、幫心情「重啟」，不如都試吓上玉桂山走一轉，可能你都會愛上呢種簡單又純粹嘅開心🥰。 #我想去AIA嘉年華
閱讀更多
港生活人氣好去處
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
假日好去處