Staycation優惠｜港島海逸君綽酒店免費升級海景房！住宿包4餐 連雙人自助晚餐/$1500餐飲消費額

travelconnect.hadley

打卡熱點

香港

香港港島海逸君綽酒店｜港鐵炮台山站直達｜近維港~

你諗住喺香港玩幾日，又想搵間方便又靚嘅香港Staycation酒店？咁我推介你去香港港島海逸君綽酒店！呢間酒店真係集齊咗我鍾意嘅所有元素，首先位置超方便，港鐵炮台山站一出就到，唔使行多遠就已經可以入到酒店，特別適合拖住行李箱又唔想行太遠嘅你。 香港港島海逸君綽酒店地理位置 香港港島海逸君綽酒店服務設施 ①秘書服務 影印 中英文打字服務 雷射打印 寬頻上網服務 郵遞及速遞服務 ②健身中心 ③室外游泳池 ④水療按摩中心 ⑤貴賓閣 ⑥各式餐廳 酒店入面有多種餐飲選擇，無論你鍾意食乜，度度都應該有啱你心水嘅嘢食。 Le 188° 餐廳及酒廊 君綽軒 HARBOUR GRAND CAFÉ 咖啡廳 「和」日本料理 大堂酒吧 香港港島海逸君綽酒店住宿環境 酒店近維港，住高層房仲可以望到靚景，早上可以睇到日出，夜晚仲有迷人嘅維港夜景。再加上酒店嘅設計簡約高雅，房間都幾大，唔會有壓迫感，住得好舒服。 豪華海景客房 行政海景套房 尊貴海景套房 房間設備齊全，仲有好多貼心嘅小設計，令你住得更加舒適。 客房特色和設施 * 熱帶雨林式花灑 * 免費咖啡及茶沖調設備 * 二十四小時客房服務 * 電熱水壺 * 有線及衛星電視頻道 * 雙線電話 * 無線電話 * 數據線路插座 * 浴室電話 * 室內獨立溫度調節 * 留言信箱 * 無線及有線寬頻上網服務 * 液晶電視 * 免費電影頻道 * 迷你酒吧 * 浴袍 * 拖鞋 * 浴室用品 * 風筒 * 電子保險箱 * 可提供嬰兒床 * 可提供折疊床 其他 * 睡床類型︰特大睡床 / 雙人睡床 * 額外床位︰可提供額外床位 * 最大賓客容量︰3位成人 / 2位成人及1位小孩 * 面積 (平方米)︰31 * 電壓︰220V 如果你諗住喺酒店內度過一個chill day，酒店仲有好靚嘅泳池同健身室，玩到你唔捨得走！總之，無論你係嚟旅行定係staycation，呢間酒店都係我心目中嘅首選，絕對值得你去試吓！ #香港酒店 (此文章由U Blog 同步發佈至社群)

A美食焚化爐

中式料理

君綽軒

君綽軒中秋慶團圓晚膳套餐 @ 君綽軒 ( 北角港島海逸君綽酒店 )

“一年容易又中秋”，這個象徵人月團圓的節日，當然要同親人好好慶祝一下，但坊間餐廳為了生意，檯與檯之間一定擺得就擺，逼得就逼，轉身都難，想食得舒適又好食，大家不妨考慮一下酒店中菜廳。 今次介紹位於北角油街的港島海逸君綽酒店的君綽軒。 餐廳環境舒適闊落，樓底高，空間感強，落地玻璃外是海景及泳池景，午間有陽光透入，很安寧謐靜的感覺。 中秋節套餐收費$488，另收茶芥及加一服務費，不過上酒店 eshop 有優惠價。 訂檯傳送門  :  (精選優惠)君綽軒中秋慶團圓晚膳套餐 (8折) (harbourgrand.com) 佳節燒味三拼 三款燒味分別是芝麻皮脆卜卜的燒腩仔、甜美有嚼口的蜜汁叉燒以及油香滿滿，咬落爽脆的蔥油海蜇。 腿蓉雞絲燕窩羹 很欣賞埋芡不會過火，推得啱啱好，上檯時仲熱辣辣，非常討好，雞絲切得幼細，又有燕窩的滑溜，好味。 白玉花尾班球 簡單地以豆腐墊底清蒸，班球啖啖肉又新鮮，毫無碎骨，吃得出的鮮味，醬油調較得恰到好處，沒有死咸的感覺。 蠔皇原隻八頭鮑魚扣花菇 很傳統的宴會菜，鮑魚扣得入味，煙韌彈牙，花菇亦大大隻兼厚肉，最鍾意食伴碟的生菜，沾上鮑魚汁好惹咪。 玫瑰頭抽雞 選用了雞肶位，肉質當然夠滑，滷得入味，雞皮位好香，自家出品水準穩定，不錯。 蝦子蟹肉炆伊麵 炒得好乾身，同場午間有任食點心的炒米粉同樣乾身，貪心一點，蝦籽可以重手一點帶出香味更好，蟹肉給伊麵蓋過，其實份量不少。 桑寄生茶黑芝麻湯圓配蛋黃白蓮蓉月餅 甜品相當應節，桑寄生茶甜度輕盈，湯圓有兩粒，合理，因為見過有餐廳只放一粒大大粒，似乎失去了意義。 月餅是酒店迷你版，蓮蓉泛光，油水足，一人半件仲好。   Facebook專頁 : Harbour Grand Hong Kong   地址 : 北角油街23號港島海逸君綽酒店5樓   電話 : 2121 2691   味道 : 4  環境 : 5  服務 : 4  衛生 : 5  抵食 : 4  位置 : 4   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #酒店 #中菜 #中秋節 #酒店餐廳 #北角 #港島海逸君綽酒店 #美食焚化爐 (此文章由U Blog 同步發佈至社群)

A美食焚化爐

擦餐勁

港島海逸君綽酒店

炭火鰻魚 日本雞皮 酒店級數 街坊價錢 @ Lobby Lounge ( 北角港島海逸君綽酒店 )

 想起來，真是很少機會說到串燒，仲要係酒店級別。 早排同太太去了北角油街的港島海逸君綽酒店，跟友人來個午聚，餐廳在大堂一角，就在日本餐廳旁邊，可說是毫不顯眼，但想不到是另有天地。 原來由下午三時至晚上12時，係eshop訂位，可享折扣，連埋加一都係$300位，已經可以食足兩小時。 看似好似平平無奇，食落就知性價比好高，先不講超過40款食物種類，因為本身就會供應前菜、西湯、水果及甜品，而飲品更有啤酒汽水提供，講真吖，係酒店飲罐普通汽水點都要4、50蚊啦！ 仲有、仲有，最大賣點係所有食物是戶外明爐炭火專人燒烤，近日天氣涼涼地，又可以選在戶外用餐，邊睇住師傅烤食物，又傳來陣陣肉香，真是令人食指大動。 講返食物，大概可分為肉類（牛、羊、雞及豬）、海鮮類及蔬菜類。 亦有幾款食物是要另外付款的，當中包括了蒜蓉焗生蠔（$30）、芝士焗扇貝（$30）、燒羊扒（$50）、鹽燒鮑魚（$30）、燒牛仔骨（$20）及雞泡魚乾（$60）。 個人心水係生蠔同扇貝，比較抵食，不過本身每位客人有兩隻烤生蠔，不另收費。 係幾十款任點食物中，真心覺得烤雞皮、雞頸肉及雞尾超正。 因為三款雞都是用上日本貨，尤其是雞皮烤至香口，咬落猶如薄脆。 雞頸肉有嚼口而肉味濃，必食。 雞尾並非真的是屁股位，而是雞尾最尖端的位置，富油香，送啤酒無得輸。 而雞翼又係燒烤中流砥柱，雞皮微焦，雞肉乾身，鹽香滿滿。 而牛肉類方面，當然少不了烤牛舌及牛肉串，烤得啱啱好，口感Q彈。 豬肉首選烤豬頸肉菠蘿串，不單有炭香，咬落煙韌。 說到海鮮，任食鰻魚已經是一大亮點，尤其是鰻魚皮烤至脆卜卜，魚肉肥美，其他地方食點都要三幾十蚊串，家陣係任食。 另一款自己好鍾意既係大墨魚咀，坊間好少地方食到。 單單食上述所講幾樣，足以回本有餘，而就快到雙12（即係12月12日），餐廳竟然有雙人食足兩小時$400有找，計落一人$200，但quota有限，有興趣可以剔入去睇下。 訂檯傳送門：https://eshop.harbourgrand.com/hongkong/zh/Double-12-Mega-Sale 若果對串燒興趣不大，同閨蜜一齊想食甜點，家陣餐廳做緊買一送一梳乎厘班戟，有蜜糖玫瑰、海鹽忌廉芝士、伯爵茶以及榴槤流心忌廉芝士四款口味，最開心係可以點不同口味，計落一百蚊左右，每款仲要有三球 Movenpick 雪糕伴碟，真開心，其實我覺得夠4個人食。   酒店專頁 : Harbour Grand HK 地址 : 北角油街23號港島海逸君綽酒店地舖   電話 : 2121 2683   味道 : 4  環境 : 4  服務 : 5  衛生 : 4  抵食 : 5  位置 : 4   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #北角 #港島海逸君綽酒店 #Harbour Grand Hong Kong #美食焚化爐 #BBQ (此文章由U Blog 同步發佈至社群)