大澳好去處|大澳全平路隱世簡易行山路線推介!5大打卡位/日系長橋/瀑布靚景

文: 鄒樂瑤
2022.10.18

秋風起,又是郊遊的好時機。每次到訪離島都是行街、到訪小店為主,今次將介紹大澳隱世行山路線,全程只有平路,沿途又有5大打卡點和瀑布靚景,無論新手抑或一家大小都非常合適,即刻bookmark定啦!

即可睇片帶你行大澳新手行山路線!

今次推介的路線為大澳水澇漕,沿途大部分都是平路,來回只需3.5小時。出發到大澳的方法十分簡單,先要在東涌站B出口出閘,再到東涌巴士總站乘搭11號巴士到總站落車,車程大概1小時。落車後向右行至海濱長廊方向即可。

海濱長廊有燈柱同欄杆,又會望到一大片綠油油嘅紅樹林,非常適合影日系打卡相。

海濱長廊盡頭的左手邊有長橋,沿著長橋走到盡頭。長橋兩側風景都超級美,一邊為波光粼粼嘅大海,另一邊則有小湖,有不少人都會把握機會在此影相。

行到長橋盡頭後往右邊入村,由於村裡為民居,切忌發出太多噪音打擾居民生活呀!在村內一路直行會見到兩個分岔路口,一直走往萬丈布方向即可。

之後20分鐘路程為一條大直路,沿途又有大量樹蔭,不時又有陣陣涼風,行上來十分舒服。走到中段會再次見到路牌,今次路線不用上山,只需繼續向前走。

經過樹蔭路徑後,終於再次見大海,這個位置的打卡效果也不錯!

繼續往前行5分鐘後會見到石灘,更有機會望到夕陽,非常浪漫。離開石灘後向前走10分鐘,經過綠色欄杆後即會到瀑布和溪澗的入口。入口相對隱敞,在綠色欄杆位置前少少,稍一不留神就會錯過。

走進入口後會見到一整片樹林,又會見到溪澗兼聽到陣陣流水聲。走入少少就會看到瀑布,曝布不算壯觀,景色仍然美麗。附近又有大量樹蔭,在此乘涼就最適合不過!

休息過後,即可原路折返至大澳,乘搭11號巴士離開。

 

大澳水澇漕郊遊路線

長度:4公里
時間:4小時(連影相時間)
起點:大澳巴士總站
終點:原路折返
前往方法:先要在東涌站B出口出閘,再到東涌巴士總站乘搭11號巴士到總站落車,落車後向右行至海濱長廊方向。轉左行經長橋入村,一直往萬丈布方向直行,中段不要上山,經過石灘再直行。離開石灘後向前走10分鐘,經過綠色欄杆後即會到瀑布和溪澗的入口。

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓