想行街Shopping買到筍貨，就一定要認識香港特色Outlet商場，除了較為人熟知的東薈城名城倉之外，其實佛羅倫斯小鎮、海怡半島Outlet、杏花新城亦有很多比市面平價的商品出售，多個商場有齊各大一線奢華名牌、運動品牌，各有特色！下文為大家比較4大香港outlet，去之前記得睇睇各個商場有咩特色及賣點，選擇最適合你血拼的outlet，一齊掃平貨！
佛羅倫斯小鎮Outlet
賣點：雲集多個意大利、法國一線品牌，當中包括唔少高級奢華品牌如Prada、Valentino、Bottega Veneta、Balenciaga、Burberry、Versace，另外亦有Tod's、Kate spade、Furla、Tory Burch等人氣牌子，而Bottega Veneta及Tod's更是佛羅倫斯小鎮Outlet獨家品牌，如果想睇呢兩個品牌就記得要去佛羅倫斯小鎮Outlet！
推介：
如果去到佛羅倫斯小鎮Outlet，推介大家到Tory Burch睇睇，品牌不時推出超抵優惠，低至半價之外有時購物滿指定金額即減幾百蚊，比市面平得多！
而Tod's是意大利著名的鞋履和手袋品牌，亦是香港佛羅倫斯小鎮Outlet獨家品牌！
Prada Outlet亦是佛羅倫斯小鎮Outlet的賣點及主打品牌，佛羅倫斯小鎮的Prada Outlet款式相對新穎，而且更有售Prada副線品牌Miu Miu！
佛羅倫斯小鎮
地址：香港新界葵涌葵昌路100號葵興地鐵站E出口
營業時間：星期一至五 上午10時至下午7時
週末及公眾假期 上午10時30分至下午7時30分
交通：港鐵荃灣綫葵興地鐵站E出口
來源：佛羅倫斯小鎮
►同場加映：【衝出嚟玩】LuLu豬化身快餐店實習生登陸北角滾軸溜冰場！聯乘潮玩品牌+CASETiFY推出多款限定週邊
東薈城名城倉
賣點：集合150多個著名品牌，一個商場有齊名牌手袋、化妝品、護膚品、首飾、童裝、手錶、眼鏡，包括Nike、Adidas、6IXTY8IGHT、American Eagle、initial，而名牌亦有Versace 、Burberry、Chloé、Coach、Calvin Klein Jeans，一應俱全，適合唔同年輕層、消費能力的人士購物！
推介：東薈城名城倉有多個人氣品牌，當中Coach是商場必到的店舖之一，Coach分成男裝及女裝有兩間店舖，而雖然是Outlet但款式都算新，就連唔同的期間限定款如情人節限定款手袋、迪士尼聯乘系列都有賣，而且Coach不時推出折上折優惠，價錢平幾倍！
東薈城名城倉
地址：香港大嶼山東涌達東路18-20號(港鐵東涌站C出口)
營業時間：上午10時至下午10時
交通：乘搭港鐵東涌線至東涌站，於C出口前往東薈城名店倉。
來源：東薈城名城倉
海怡半島Outlet （鴨脷洲新海怡廣場）
賣點：位於鴨脷洲的新海怡廣場地理位置相對偏僻，不過勝在人流相對較少，會比較好逛，而且商場亦有共100間商店，絕對可以行足一日！而店舖種類亦好齊全，有齊一線品牌如Loewe、Lane Crawford、Armani、Buberry、YSL、Gucci、Marc Jacobs、Giorgio、Max Mara之外，可以搵到一些平日比較少見的品牌如Moschino、Marimekko。
推介：如果去到新海怡廣場可以睇睇Loewe以及Saint Laurent （YSL）Outlet兩個主打的人氣品牌，另外Lane Crawford亦是新海怡廣場設有Outlet店，除了服飾，鞋款都有，適合大家去買新衫！
新怡廣場
地址：香港鴨脷洲利榮街2號
營業時間：上午10時至下午7時
交通：由港鐵海怡半島站C出口步行約15分鐘
來源：新怡廣場
杏花新城
賣點：杏花新城被稱為最大型運動outlet，商場內有近30個知名運動品牌，例如adidas、Puma、Kappa、Nike、New Balance Timberland等！當中杏花新城的Nike Factory Store是全港最大間分店，運動品牌集中，如何目標是想選購運動服飾就一定要去杏花新城！
推介：杏花新城Nike Factory Store面積近六千呎，是全港最大分店，而且不時有優惠！
杏花新城
地址：柴灣盛泰道100號（港鐵杏花邨站旁）
營業時間：上午6時至凌晨12時
交通：港鐵港島綫杏花邨站A1及A2出口
來源：杏花新城
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
