拉闊音樂會2022|鄭欣宜盧瀚霆大跳辣身舞現場著晒火!二人台上「耍花槍」惹神徒羨慕尖叫

2022.11.14

期待已久《拉闊音樂會 神の拉闊 鄭欣宜 x 盧瀚霆》昨晚(13日)終於成功在亞博舉行,「女神」鄭欣宜與「教主」Anson Lo在台上展開「神の對話」,二人帶來多首經典作品,勁歌大跳辣身舞,亦不時「耍花槍」搞到全場粉絲失聲尖叫!隊友MIRROR成員Edan及Jeremy都有到場支持兄弟演出,即刻一齊重溫音樂會精彩內容啦!

欣宜及教主以一身型格軍色服裝造型登場,首先以《Glitterfalls》和《一所懸命》炒熱舞台,隨後合唱《EGO x 豐乳肥臀》,兩位互相Crossover大家的作品超有火花!Anson Lo出場後問台下粉絲:「有冇掛住我呢,我真係好掛住大家!」,搞到一班神徒「冧冧豬」,隨後教主送上《King Kong》,更邀請全場一齊合唱。

►同場加映:【衝出嚟玩】LuLu豬化身快餐店實習生登陸北角滾軸溜冰場!聯乘潮玩品牌+CASETiFY推出多款限定週邊

經過一輪強勁節拍的快歌後,舞台換上截然不同的氛圍。欣宜先帶來三首柔情作品,包括《小夜燈》、《恐懼蠶食心靈》、《我地》,期間Joyce邀請粉絲一齊打開手機燈應援,搞到佢眼濕濕地講:「我冇預過自己會喊㗎!」。

其後Anson Lo帶來新歌《永順街39號》以及《不可愛教主》,期間不時向粉絲擺出可愛動作,又向台下送上飛吻,搞到一班神徒係咁失聲尖叫!

演唱會另一高潮當然是二人以一身粉紅色裝束扮演卡通人物Barbie與Ken,送上重新編曲的《Barbie Girl》。欣宜其後翻唱Britney Spears的《I'm a Slave 4 U》,Anson Lo亦帶來Justin Timberlake的《SexyBack》,幾首有不少辣身舞姿和性感動作的快歌搞到現場著晒火!

之後二人在台上「打情罵俏」,Joyce代表神徒問Anson Lo:「我哋成日嗌你做老公,點解唔嗌返我哋做老婆嘅?」Anson Lo一度表現尷尬微笑,笑住講:「綵排嗰陣唔係咁㗎喎!」。去到演唱會尾聲,二人送上《Ignited》並邀請粉絲跳出經典手勢舞蹈,全場觀眾再次焫著晒!

 

圖片:大會提供

 

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】方便外出攜帶!可殺滅新冠病毒!↓

↓ AQUA PRO+TECH 全效防疫消毒滅菌噴霧輕便裝!↓

 ↓ AQUA PRO+TECH 全效防疫消毒滅菌噴霧輕便裝!↓

↓【免費睇!】《香港寵物好去處2023》!↓

↓超過20個毛孩放電點/冷知識/攝影技巧等↓

↓超過20個毛孩放電點/冷知識/攝影技巧等↓

評語

相關文章