減碳已經成為國際間最關注環保議題之一。如何有效減碳、加強可持續發展等綠色事業，均有助建構更美好將來。今年「築月2022」以「引領邁向碳中和」為主題，以創新、專業及年青化手法，設計出6大活動予公眾人士參與，而且大小朋友都有份！大家即刻帶埋小朋友嚟玩吓、學習點樣實現綠色生活啦~
第1站：觀賞百變組裝 學習改善微氣候
位於建造業零碳天地嘅「組裝合成」築樂園，係由不同組件裝嵌而成，組件可按照不同遊樂場地嘅大小及形狀重新配置，可重複使用，亦可用於過渡性房屋項目，唔需要重新製作，喺減少建築用料上好有幫助！而且當中融合咗綠化及環保模組，具自我淨化及去除PM2.5功能，提供隔熱以改善微氣候。展品亦附設「打卡位」及兒童遊玩設備，小朋友放電一流！
睇落好似攀架嘅「組裝合成」築樂園，有齊自我淨化及去除PM2.5功能，提供隔熱以改善微氣候功能，值得大眾研究學習。
活動特設「建築材料及技術」及「工地日常及安全」兩大展示區域，探討香港常見建築材料及可持續發展物料等。
第2站：學習「碳中和」！「零碳小勇士」獎章計劃嘉許禮
「築月2022」活動已進行多個階段，其中「零碳小勇士」獎章計劃的結果亦隨即誕生，榮獲嘉許嘅「零碳小勇士」已經參與咗多項多元化教育活動，學習如何達成「碳中和」的理念！大會更會頒發証書及獎章以示鼓勵，有興趣嘅人士就要立即登記成為小勇士一員！
「築月2022」有多項持續性多元化教育活動，予小朋友參與，培養佢哋嘅環保意識。
第3站：編程創作比賽 思考未來城市規劃
透過近年熱門遊戲Minecraft，由小朋友自創發揮，將建築技術、環保概念引入北部都會區可持續發展作主題，打造出2030年北部都會區宜居區域。大會喺300份作品中挑選出各得奬者，參觀人士透過VR設備了解小朋友諗法，互相brain storm下話唔定仲可以啟發成年人思維！
小朋友諗法天馬行空又創意十足，宜家只要喺12月19日前，都可以嚟到建造業創新及科技應用中心，透過VR設備欣賞一班得奬作品。
第4站：領袖高峰會 分享轉型新技術
活動透過唔同專業領域嘉賓，分享轉型新技術、組裝合成建築法（MiC）及機電裝備合成法（MiMEP）及建築信息模擬的應用，提升行業間喺綠色事業內規模，進一步加強技術發展。
專為業界內人士而設嘅領袖高峰會，係年度註冊專門行業承造商制度盛事。
第5站：多元文化節 與非華語人士深度交流
香港係一個多元社會，有唔同種族聚居落地生根。建造業議會將於11月26日舉行多元文化節，希望不同族裔人士可以相互了解和交流，在場更設有攤位遊戲、曼陀羅點印杯墊、南亞民族圖案彩繪等工作坊等活動，大人小朋友都可以免費參加！
曼陀羅點印杯墊、繪畫Hana圖案，都係少數族裔嘅文化與特色。
第6站：綠色市集＋互動活動 學習可持續生活
大會亦特設多項活動與公眾為樂。嚟緊11月20日將會舉行「樂在零碳」綠色市集，鼓勵大眾培養回收及重用文化。另外「童」建未來日營則讓一眾小朋友透過工程師101和建築署工作坊，學習建造、認識最新建築科技，培養潛能，學習到可持續生活的重要性。而小小建築師體驗班則讓小朋友跟隨專業建築師，親身動手製作建築模型，學習規劃智慧城市！仲有建造工友節內之研討會、體驗工作坊及導賞團，都歡迎工友和家人一同參加，以了解及支持建造工友持續提升專業。
家長們想帶小朋友邊玩邊學環保知識，今個週末即去「樂在零碳」綠色市集，透過攤位遊戲培養小朋友回收及重用習慣。
多個工作坊及活動均別具意義，透過遊戲令小朋友更了解如何構建更優質的城市。
「築月2022」
活動日期：即日起至11月30日
活動詳情：https://bit.ly/cm2022_chi
資料由客戶提供
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
